出席大學論壇鬧喊90後

【蘋果日報】對於現時的職場新丁「90後」，施永青記得有一次在大學出席一個論壇，席間有三位來自不同政黨的講者，「個學生仔聽完我哋講嘢，起身講話你哋四個都係零分。話我哋零分喎！乜都未講就先同我哋打分。」
「俾人蝦先知點應付」
「我條氣唔順，就起身話：『(o靚)仔，我幾時叫你畀分呀！你睇清楚，唔好亂咁噏。隔籬左右嗰班政黨就做唔到啲咩出嚟嘅，遇着個唔好老脾嘅，你做咩無啦啦要得失咁多人，一得失就四個都得失晒，你知唔知我咩背景呀？唔係嚇你，我無咩背景，不過你唔好亂咁得罪人。」他續說：「我講多幾下，佢眼淚都流埋，超！都冇Q用嘅！」
他認同每間公司總有員工恃老賣老，「佢有得恃咪俾佢恃，咁下低嗰啲要學識應付老屎忽。等於我問個仔：『你返學有冇人蝦你？』佢話無，我話呢間學校唔好，都無人蝦你。我細個讀書成日俾人蝦，咁我先知點應付蝦你嘅人。我細個梗係俾人蝦，呢個世界有黑社會，你有冇去球場打波，個個球場都有人認頭，你估正義真係度度行得通㗎咩！」
總之，無論90後或老屎忽都「畀佢撞下板」，「無為而治信咩呢，相信後果懲罰法，做啲嘢唔好就會有唔好嘅懲罰，做咩嘢都有報應」。
長青網 - 一站式長者及護老者生活資訊網站