佔中九子　用最後力氣吶喊

【蘋果日報】【反惡法遊行】
【蘋果日報】佔中九子案將於4月9日判決，其中佔中發起人戴耀廷、社福界立法會議員邵家臻及社民連黃浩銘等，昨參加反對《逃犯條例》修訂大遊行，在判刑前繼續為港人發聲。他們批評修例嚴重打擊香港法治，令一國兩制消失，呼籲港人盡力捍衞香港僅有的核心價值。有退休人士為孫兒的未來參加遊行，直指若惡法實施，「佢哋根本唔可以留喺香港，真係需要移民先得」。
記者：謝明明　林俊謙
佔中九子被控「煽惑他人作出公眾妨擾」和「煽惑他人煽惑作出公眾妨擾」等罪名，今次反對《逃犯條例》修訂遊行，料是各人4月9日面對裁決前最後一次參與遊行。邵家臻不諱言，「我都係想用最後嘅一個機會、最後嘅一分力，去話畀人聽，今次修訂《逃犯條例》，真係比23條立法更加兇狠；立到法的話，真係唔需要23條」。
威權政府治下，邵家臻表示對自己入獄已無甚懸念，希望港人不要以為今次佔中九子「找數」後，香港就會有安樂茶飯，呼籲香港人必須盡力捍衞香港僅有的核心價值。他亦以最後力氣呼籲港人阻止修例，「香港人唔好慣咗，唔好預咗輸，如果我哋真係要坐監嘅話，我哋喺監房裏面，我哋都好想見到大家上街」。
戴耀廷則指出，《逃犯條例》修例嚴重影響香港法治，令香港和內地差異極大的司法制度連成一體，消失了一國兩制下香港和內地的區隔。他稱，即使判決在即，他一直亦有參加遊行發聲，「我覺得值得嘅，（因為）同香港巿民一樣，都係想香港有個民主法治嘅社會啫」。
退休人士為孫兒未來上街
身為社民連副主席的黃浩銘指今次修例對香港影響極大：「我希望關注佔中九子案嘅朋友，都可以同樣關注我哋越來越收緊嘅自由，唔好灰心，繼續撐落去。」雖然判刑在即，但他目前心情平靜，他亦希望港人在目前不平靜的政治環境下，有平靜的心和堅毅的鬥志迎戰將來。
已退休的梁先生昨攜同兩名孫兒參加遊行，稱是為兩個孫兒的未來而參加遊行。他認為近年本港法制和自由都遠離一國兩制，「如果惡法實施，佢哋（孫兒）根本唔可以留喺香港，真係需要移民先得」。他直斥政府一切為條例修訂的辯護理由都是林鄭月娥「擦緊鞋」，非為市民幸福着想，認為政府應取消修訂。
大學二年級的何同學表示，內地司法制度有很多缺陷，因此參加遊行反惡法，「如果一個人好大可能無啦啦被引渡返中國，然後喺嗰邊會承受一啲唔知乜嘢司法後果，係一件好恐怖嘅事」。
長青網 - 一站式長者及護老者生活資訊網站