新聞類別
娛樂
詳情#
【蘋果日報】【廣州直擊】楊千嬅入行24年的首個世界巡迴演唱會，前晚在廣州揭開序幕，她在可容納兩萬名觀眾的廣州亞運公園開騷，由老公丁子高擔任監製，她的父母亦有到場支持。
勇於迎接失敗
千嬅前晚甫開場唱了幾首慢歌，緊接再唱出多首快歌後，她感性地說：「每個人都有自信、好有力氣嘅時候，但同樣亦會好脆弱，好易有挫敗同冇安全感，行到嚟依家，心口要掛個勇字去迎接失敗，呢個大無畏精神，幸好有你哋呢班觀眾陪住我。」說畢，千嬅就唱出周杰倫的《說好的幸福呢》。
其後，當唱到國語新歌《穿越》時，千嬅叫觀眾留意歌詞，她說：「演唱會希望同大家分享，我呢24年嚟自己穿越咗好多美麗人生，多謝你哋陪我，令我嘅夢想成真。呢刻心情好激動，想搞呢個巡迴演唱會好耐，開心大家畀機會我。」千嬅更特別感謝老公丁子高：「成就今日件事唔易，多謝監製丁先生鼓勵我，做tour呢件事一直放心中，但有咗家庭、小朋友，夢想變得好遙遠，有日佢同我講『你做啦！我會諗辦法㗎喇！』之後就成就咗今日，創業難、守業更難，有你哋，我可以堅守落去。」
跨越壓力感動
千嬅在完場後接受訪問，她說：「啱啱set up咗公司，好多嘢要重新做起，多謝寰亞，好多歌曲嘅版權佢哋幫我接觸，丁生又自己落手落腳去同人傾，去唔同城市做電影謝票時，好多人問過我幾時開，我好想，但唔知幾時做得到。」千嬅透露回到香港開騷可能是明年中的事：「應該有機會發生，好多都未有時間表，仲未可以入紙。」問到做巡演會否很大壓力？她說：「已經跨越壓力、興奮同感動，做新嘅事會有好多冒險，好嘅開始係一支好大嘅強心針。」
採訪、攝影：曾小嘉
長青網 - 一站式長者及護老者生活資訊網站
勇於迎接失敗
千嬅前晚甫開場唱了幾首慢歌，緊接再唱出多首快歌後，她感性地說：「每個人都有自信、好有力氣嘅時候，但同樣亦會好脆弱，好易有挫敗同冇安全感，行到嚟依家，心口要掛個勇字去迎接失敗，呢個大無畏精神，幸好有你哋呢班觀眾陪住我。」說畢，千嬅就唱出周杰倫的《說好的幸福呢》。
其後，當唱到國語新歌《穿越》時，千嬅叫觀眾留意歌詞，她說：「演唱會希望同大家分享，我呢24年嚟自己穿越咗好多美麗人生，多謝你哋陪我，令我嘅夢想成真。呢刻心情好激動，想搞呢個巡迴演唱會好耐，開心大家畀機會我。」千嬅更特別感謝老公丁子高：「成就今日件事唔易，多謝監製丁先生鼓勵我，做tour呢件事一直放心中，但有咗家庭、小朋友，夢想變得好遙遠，有日佢同我講『你做啦！我會諗辦法㗎喇！』之後就成就咗今日，創業難、守業更難，有你哋，我可以堅守落去。」
跨越壓力感動
千嬅在完場後接受訪問，她說：「啱啱set up咗公司，好多嘢要重新做起，多謝寰亞，好多歌曲嘅版權佢哋幫我接觸，丁生又自己落手落腳去同人傾，去唔同城市做電影謝票時，好多人問過我幾時開，我好想，但唔知幾時做得到。」千嬅透露回到香港開騷可能是明年中的事：「應該有機會發生，好多都未有時間表，仲未可以入紙。」問到做巡演會否很大壓力？她說：「已經跨越壓力、興奮同感動，做新嘅事會有好多冒險，好嘅開始係一支好大嘅強心針。」
採訪、攝影：曾小嘉
長青網 - 一站式長者及護老者生活資訊網站
回應 (0)
