新聞類別
港聞
詳情#
【蘋果日報】【「送中」條例】
【蘋果日報】政府為爭取商界支持修訂《逃犯條例》，建議剔出9項商業罪行，不過對商界來說，餘下的37項類別，依然充滿白色恐怖。本報綜合商界、金融界及法律界人士意見，揭露《逃犯條例》中，從商港人最易中招的類別。有金融界人士指，若然條例通過，資金將不敢泊港，影響香港的金融中心地位，業界諷刺指《逃犯條例》變「逃錢」（資金流走）條例。
記者：孫樂祈 余秉峰
本報昨日致電訪問十多名商界人士，查詢他們對逃犯條例的意見，其中反對或表示疑問者，皆不願公開身份，以免遭秋後算賬。信德主席何超瓊指不會回應；金融界人士詹培忠坦言：「你反對都冇用，嘥精神！」在內地有生意的中原集團創辦人施永青，則表示從社會角度權衡輕重，支持修例。然而他承認在個人及公司角度而言，修訂造成潛在法律風險，「我喺內地打過官司，知道質素同方式都唔好」。
內地會計制度未與國際接軌
一名不願公開身份、主要處理商業糾紛的法律界人士指，內地和香港的會計制度不同，容易誤中地雷，「香港會計制度同國際接軌，但國內未接軌，同香港標準唔同，好易搵到位告你」。其中《逃犯條例》第15項罪行類別「與賄賂、貪污、秘密佣金及違反信託義務有關的法律所訂的罪行」，隨時出事，「好多港人喺內地做生意要做掛名董事，違反咗信託義務都唔會知」。
他解釋只要做董事、高層，被交付財產，就有信託責任。信託義務就是指董事不能因職位得益，令自己陷利益衝突，「例如你做海航旗下一間公司嘅董事，而海航有『萬七』間子公司，咁你做其他生意同海航嘅子公司有衝突時，就係違反信託義務」。
另一名港交所前高層指，第16項罪行類別「偽證及唆使他人作偽證」亦易中招，「內地最常用陰陽合約，例如係樓宇買賣，面價同底價唔同，呢啲潛規則往往要被迫遵守，又係唔係作偽證呢？」他續說：「內地做生意好難避免飲茶灌水，咁呢筆應酬算唔算賄賂？喺會計入賬時又係咪做咗假數（偽證）？」
又例如第39項「與婦女及女童有關的罪行」，「內地有法則保障婦女，如果做廠嘅叫女工加班，會唔會中伏？」他指《逃犯條例》瀰漫白色恐怖，源於對內地執法的不信任，長遠會令外商不敢來港，資金外逃，「係關乎長期嘅fund flow（資金流向），正如2006年香港取消遺產稅，令fund in flow。若《逃犯條例》通過，就會出現長期而慢性嘅fund out flow」。
長青網 - 一站式長者及護老者生活資訊網站
【蘋果日報】政府為爭取商界支持修訂《逃犯條例》，建議剔出9項商業罪行，不過對商界來說，餘下的37項類別，依然充滿白色恐怖。本報綜合商界、金融界及法律界人士意見，揭露《逃犯條例》中，從商港人最易中招的類別。有金融界人士指，若然條例通過，資金將不敢泊港，影響香港的金融中心地位，業界諷刺指《逃犯條例》變「逃錢」（資金流走）條例。
記者：孫樂祈 余秉峰
本報昨日致電訪問十多名商界人士，查詢他們對逃犯條例的意見，其中反對或表示疑問者，皆不願公開身份，以免遭秋後算賬。信德主席何超瓊指不會回應；金融界人士詹培忠坦言：「你反對都冇用，嘥精神！」在內地有生意的中原集團創辦人施永青，則表示從社會角度權衡輕重，支持修例。然而他承認在個人及公司角度而言，修訂造成潛在法律風險，「我喺內地打過官司，知道質素同方式都唔好」。
內地會計制度未與國際接軌
一名不願公開身份、主要處理商業糾紛的法律界人士指，內地和香港的會計制度不同，容易誤中地雷，「香港會計制度同國際接軌，但國內未接軌，同香港標準唔同，好易搵到位告你」。其中《逃犯條例》第15項罪行類別「與賄賂、貪污、秘密佣金及違反信託義務有關的法律所訂的罪行」，隨時出事，「好多港人喺內地做生意要做掛名董事，違反咗信託義務都唔會知」。
他解釋只要做董事、高層，被交付財產，就有信託責任。信託義務就是指董事不能因職位得益，令自己陷利益衝突，「例如你做海航旗下一間公司嘅董事，而海航有『萬七』間子公司，咁你做其他生意同海航嘅子公司有衝突時，就係違反信託義務」。
另一名港交所前高層指，第16項罪行類別「偽證及唆使他人作偽證」亦易中招，「內地最常用陰陽合約，例如係樓宇買賣，面價同底價唔同，呢啲潛規則往往要被迫遵守，又係唔係作偽證呢？」他續說：「內地做生意好難避免飲茶灌水，咁呢筆應酬算唔算賄賂？喺會計入賬時又係咪做咗假數（偽證）？」
又例如第39項「與婦女及女童有關的罪行」，「內地有法則保障婦女，如果做廠嘅叫女工加班，會唔會中伏？」他指《逃犯條例》瀰漫白色恐怖，源於對內地執法的不信任，長遠會令外商不敢來港，資金外逃，「係關乎長期嘅fund flow（資金流向），正如2006年香港取消遺產稅，令fund in flow。若《逃犯條例》通過，就會出現長期而慢性嘅fund out flow」。
長青網 - 一站式長者及護老者生活資訊網站
回應 (0)
