新聞類別
財經
詳情#
【蘋果日報】【人物專訪】港人行路快、說話快、轉數快，事事講求效率，通常帶來兩種後果：一是健康響警號，二是對生活麻木生厭。羅莜薇（May）原是典型女強人，在日本化妝品牌資生堂工作了20年，從市場部小花晉升至總經理，一周有做不完的工作，周末喪玩喪蒲。同事一句戲言：「你星期一返工個樣仲殘過星期五」令她覺悟，兩年前離職，投資內地茶室再引進香港創立潮茶品牌「茶老七」，學習將慢活變成事業。
記者：蔡亮
May原為資生堂高層，位高權重但壓力不少，四、五年前她已意識到長期工作壓力影響健康，於是培養興趣，最初選擇泰拳。她笑說：「可能我個性比較激，當時只想喺工餘時間培養其他嗜好，諗到打泰拳可以減肥就去學，但越打越躁，令自己拉得更緊。」May很快便放棄，朋友見她平日喜歡喝茶，提議她去學茶，「初學時經常淥傷手，因為我一邊沖水，一邊睇手機」。導師問她泡第幾泡茶，每泡茶有甚麼分別，她總是答不上。「原來學茶有好多步驟、資料要記，開始時覺得係束縛，後來逐步領悟，在導師身上學到沖茶並非學技巧，而是品茶品人生，漸漸對慢活、放空另有一番感受」。
兩年前離職，原先以為可一嘗慢活，但朋友在深圳經營茶室，又在潮州自設茶山，觸動了May的商業觸角。「嗰度係一間好傳統嘅茶室，茶葉質素好高，但冇形象、包裝可言。我鍾意飲茶，希望創造一個年輕有活力嘅品牌，用新手法包裝，將一啲好茶帶入香港」。
May一擲七位數入股，專責發展香港市場，雖然在推廣產品方面經驗豐富，但一切由零開始，難免感到吃力，尤其要經常北上搜尋茶葉，與各地茶農溝通是一大挑戰。「我以往都要北上開會，但去開北京上海，大部份business partner嘅文化背景相近，依家去嘅係極偏遠嘅茶山，好難適應當地衞生環境。不過既然工作需要，都要硬住頭皮去做，依家開始習慣，屋企工人姐姐幫我執好一個出trip用嘅行李篋，有齊各種衞生消毒用品」。
將慢活變事業
每次往茶山試茶、買茶，主要由拍檔領軍，至於包裝及宣傳則是May的強項。印象中的中國茶葉，東方色彩濃厚，風格亦偏向中性，May卻一反傳統，改走女性化路線。「我身上流住cosmetic嘅血，少不免以化妝品做標準，包裝要靚，設計要有心思，例如我唔用大路嘅供罐，採用手敲紋茶葉罐，罐內再加一層密封錫紙，一嚟可以保存茶葉味，二嚟令人有種神秘感和矜貴感覺，好似貴價面霜都會添加一層保護膜」。
May現時以開拓市場為目標，茶的種類主要是單叢、普洱、蜜蘭香和玫瑰，定價為入門版，由數十元至數百元不等。在形象方面刻意營造時尚感覺，茶葉罐和包裝盒色彩繽紛，又與插畫師、創作人crossover推出限量版，吸引女士目光。「我哋開pop up store，好多人以為我哋賣糖果、朱古力，知道我哋賣茶葉後，又以為係日本台灣品牌。我哋目標顧客係OL，靚包裝不但吸引佢哋買嚟自用，而且適合用嚟送禮，聖誕節同農曆新年係旺季」。
每年春季，May都有一個任務，就是去潮州鳳凰山採春茶。鳳凰山是潮州第一高峯，產茶歷史悠久，每到採春茶季節特別熱鬧。「去年第一次同採茶姑娘上山，完全體會到粒粒皆辛苦嘅道理，我跟足整過過程，每片茶葉經採茶、晾青、殺青、揉捻、烘焙等，絕對唔簡單，每一片都得來不易」。May回想以前跌了茶葉會隨手丟棄，但現在跌一片都會拾起。「我計劃每年都去採春茶，感受一杯茶背後嘅付出，提醒自己要珍惜」。
品茶原為學習慢活，機緣巧合下，興趣變成事業，每日忙策劃、銷售、推廣，甚至上山試茶、採茶，雖說創業的滿足感和成功感比打工大得多，但壓力也相應增加。
學習慢活是否比創業更奢侈？May說：「我唔係可以完全慢落嚟嘅人，依家追求嘅慢活係每日有段放鬆時間。晚飯後點香薰，沖杯茶，陪住四貓一狗，已經夠refresh」。
長青網 - 一站式長者及護老者生活資訊網站
記者：蔡亮
May原為資生堂高層，位高權重但壓力不少，四、五年前她已意識到長期工作壓力影響健康，於是培養興趣，最初選擇泰拳。她笑說：「可能我個性比較激，當時只想喺工餘時間培養其他嗜好，諗到打泰拳可以減肥就去學，但越打越躁，令自己拉得更緊。」May很快便放棄，朋友見她平日喜歡喝茶，提議她去學茶，「初學時經常淥傷手，因為我一邊沖水，一邊睇手機」。導師問她泡第幾泡茶，每泡茶有甚麼分別，她總是答不上。「原來學茶有好多步驟、資料要記，開始時覺得係束縛，後來逐步領悟，在導師身上學到沖茶並非學技巧，而是品茶品人生，漸漸對慢活、放空另有一番感受」。
兩年前離職，原先以為可一嘗慢活，但朋友在深圳經營茶室，又在潮州自設茶山，觸動了May的商業觸角。「嗰度係一間好傳統嘅茶室，茶葉質素好高，但冇形象、包裝可言。我鍾意飲茶，希望創造一個年輕有活力嘅品牌，用新手法包裝，將一啲好茶帶入香港」。
May一擲七位數入股，專責發展香港市場，雖然在推廣產品方面經驗豐富，但一切由零開始，難免感到吃力，尤其要經常北上搜尋茶葉，與各地茶農溝通是一大挑戰。「我以往都要北上開會，但去開北京上海，大部份business partner嘅文化背景相近，依家去嘅係極偏遠嘅茶山，好難適應當地衞生環境。不過既然工作需要，都要硬住頭皮去做，依家開始習慣，屋企工人姐姐幫我執好一個出trip用嘅行李篋，有齊各種衞生消毒用品」。
將慢活變事業
每次往茶山試茶、買茶，主要由拍檔領軍，至於包裝及宣傳則是May的強項。印象中的中國茶葉，東方色彩濃厚，風格亦偏向中性，May卻一反傳統，改走女性化路線。「我身上流住cosmetic嘅血，少不免以化妝品做標準，包裝要靚，設計要有心思，例如我唔用大路嘅供罐，採用手敲紋茶葉罐，罐內再加一層密封錫紙，一嚟可以保存茶葉味，二嚟令人有種神秘感和矜貴感覺，好似貴價面霜都會添加一層保護膜」。
May現時以開拓市場為目標，茶的種類主要是單叢、普洱、蜜蘭香和玫瑰，定價為入門版，由數十元至數百元不等。在形象方面刻意營造時尚感覺，茶葉罐和包裝盒色彩繽紛，又與插畫師、創作人crossover推出限量版，吸引女士目光。「我哋開pop up store，好多人以為我哋賣糖果、朱古力，知道我哋賣茶葉後，又以為係日本台灣品牌。我哋目標顧客係OL，靚包裝不但吸引佢哋買嚟自用，而且適合用嚟送禮，聖誕節同農曆新年係旺季」。
每年春季，May都有一個任務，就是去潮州鳳凰山採春茶。鳳凰山是潮州第一高峯，產茶歷史悠久，每到採春茶季節特別熱鬧。「去年第一次同採茶姑娘上山，完全體會到粒粒皆辛苦嘅道理，我跟足整過過程，每片茶葉經採茶、晾青、殺青、揉捻、烘焙等，絕對唔簡單，每一片都得來不易」。May回想以前跌了茶葉會隨手丟棄，但現在跌一片都會拾起。「我計劃每年都去採春茶，感受一杯茶背後嘅付出，提醒自己要珍惜」。
品茶原為學習慢活，機緣巧合下，興趣變成事業，每日忙策劃、銷售、推廣，甚至上山試茶、採茶，雖說創業的滿足感和成功感比打工大得多，但壓力也相應增加。
學習慢活是否比創業更奢侈？May說：「我唔係可以完全慢落嚟嘅人，依家追求嘅慢活係每日有段放鬆時間。晚飯後點香薰，沖杯茶，陪住四貓一狗，已經夠refresh」。
長青網 - 一站式長者及護老者生活資訊網站
回應 (0)
