新聞類別
財經
詳情#
【蘋果日報】父母是生意人，Wilson自小生活無憂，但家教甚嚴，13歲赴英國寄宿學校讀書，父母給他每星期20英鎊零用錢。Wilson在倫敦國王學院修讀法律系，他笑言對讀書和法律並無熱誠，只是哥哥讀法律，姊姊讀會計，他為了滿足父母期望而報讀法律。「原先爸爸想我讀醫，可能帶有儲徽章嘅心態，三個子女集齊三師專業，工作又穩定」。直至開始實習，Wilson才看清自己根本不適合做律師，「一個成功律師需要好專注去研究一件事，但我性格愛挑戰，鍾意天馬行空去構思」
初期未有目標，Wilson先到親戚的印刷廠幫手，親戚客戶以時裝品牌為主，一年忙完兩次開季後，中間會有空檔期，Wilson眼見廠房閒置印刷機，突然有所啟發。「我喺英國讀大學時係Chinese Society主席，每次舉辦派對同活動前需要印宣傳單張。喺外國多數透過網站印刷，方便、便宜、質素好，呢啲經驗一早植入我腦內，嗰刻我諗不如用現有資源創業」。
隨後一星期，Wilson不斷上網搜尋資料，發覺卡片市場大有可為，於是找來程式設計師和平面設計師，並借用親戚的辦公室，在2016年尾正式成立印刷公司。「開始時好膚淺，我上網睇其他卡片公司賣乜，然後再定低價少少，務求以平取勝」。公司第一個客是外籍人士，他上網找到Wilson的聯絡，印了一百張卡片。「他對我哋嘅產品非常滿意，後來我先知佢太太係某大時裝品牌高層，他將我哋介紹畀太太認識，自此我哋多咗一批要求高質卡片嘅品牌客戶，當中包括Agnes b.、連卡佛、東瀛遊等」。
走精品路線
創業遇貴人，開拓出一條vip精品路線，至於網上訂單則走平價路線，遇上客戶訂製指定化產品，問題便湧現。「越多單越需要人手跟進，但公司只有我一個，嗰時接到好多客追貨、投訴，我幾乎做到喊」。 捱到極限，Wilson決定轉變，改走高質標準化路線。「印刷分三類，第一類全標準化，儲單至一定數目先印，攤分製作成本，售價大眾化，但紙質同款式既定，顧客選擇少；第二類係旺角、上環僅存嘅街邊印刷舖，每張單都由顧客指定，缺點係需要人手逐張單跟，唔能夠大規模做；第三類係我行嘅路線，結合先前兩類嘅優點，生產高質素產品，同時以自動化方式製作，我哋係香港第一間」。公司開業3個月即有盈餘，此後每3個月大約有百份之二百的增長，現時每月營業額約80萬至140萬，員工增至10人。
公司規模漸大，Wilson幾乎將所有時間投放在工作上，星期一至五朝九晚八，周末做檢討和計劃，日常最大娛樂是逢星期四晚打網球。「我平日食飯逛街，都會特別留意店舖卡片，試過去一間西餐廳食飯，發覺佢哋卡片印得好差，於是第二日電郵去反映意見，表示自己做印刷，可以搵我印卡片」。結果餐廳負責人聯絡Wilson，並且成為了他的客戶。
長青網 - 一站式長者及護老者生活資訊網站
初期未有目標，Wilson先到親戚的印刷廠幫手，親戚客戶以時裝品牌為主，一年忙完兩次開季後，中間會有空檔期，Wilson眼見廠房閒置印刷機，突然有所啟發。「我喺英國讀大學時係Chinese Society主席，每次舉辦派對同活動前需要印宣傳單張。喺外國多數透過網站印刷，方便、便宜、質素好，呢啲經驗一早植入我腦內，嗰刻我諗不如用現有資源創業」。
隨後一星期，Wilson不斷上網搜尋資料，發覺卡片市場大有可為，於是找來程式設計師和平面設計師，並借用親戚的辦公室，在2016年尾正式成立印刷公司。「開始時好膚淺，我上網睇其他卡片公司賣乜，然後再定低價少少，務求以平取勝」。公司第一個客是外籍人士，他上網找到Wilson的聯絡，印了一百張卡片。「他對我哋嘅產品非常滿意，後來我先知佢太太係某大時裝品牌高層，他將我哋介紹畀太太認識，自此我哋多咗一批要求高質卡片嘅品牌客戶，當中包括Agnes b.、連卡佛、東瀛遊等」。
走精品路線
創業遇貴人，開拓出一條vip精品路線，至於網上訂單則走平價路線，遇上客戶訂製指定化產品，問題便湧現。「越多單越需要人手跟進，但公司只有我一個，嗰時接到好多客追貨、投訴，我幾乎做到喊」。 捱到極限，Wilson決定轉變，改走高質標準化路線。「印刷分三類，第一類全標準化，儲單至一定數目先印，攤分製作成本，售價大眾化，但紙質同款式既定，顧客選擇少；第二類係旺角、上環僅存嘅街邊印刷舖，每張單都由顧客指定，缺點係需要人手逐張單跟，唔能夠大規模做；第三類係我行嘅路線，結合先前兩類嘅優點，生產高質素產品，同時以自動化方式製作，我哋係香港第一間」。公司開業3個月即有盈餘，此後每3個月大約有百份之二百的增長，現時每月營業額約80萬至140萬，員工增至10人。
公司規模漸大，Wilson幾乎將所有時間投放在工作上，星期一至五朝九晚八，周末做檢討和計劃，日常最大娛樂是逢星期四晚打網球。「我平日食飯逛街，都會特別留意店舖卡片，試過去一間西餐廳食飯，發覺佢哋卡片印得好差，於是第二日電郵去反映意見，表示自己做印刷，可以搵我印卡片」。結果餐廳負責人聯絡Wilson，並且成為了他的客戶。
長青網 - 一站式長者及護老者生活資訊網站
回應 (0)
