租茶餐廳舖　轉賣漢堡包

【蘋果日報】除「鍾意返工」外，Wilson與一般年輕人無異，愛說笑、愛挑戰、愛闖關。Wilson父親在觀塘工廠區有一舖位，兩個租客先後開茶餐廳均結業，Wilson的結論是「茶餐廳午市最多做兩輪，觀塘區人均消費額最多70元，店舖可坐30人，即收入只有約5,000元。茶餐廳需要有侍應招呼，扣除人工，加上舖租10萬元，晚市又冇收入，的確好難做」。
開業半年有錢賺
別人做不到，Wilson卻有信心挑戰，他租下父親舖位，將茶餐廳改為漢堡包店，「漢堡包方便外賣，可增加客量，人手卻相對少。入夜後，餐廳會變身酒吧，有手工啤、雞尾酒供應，加上觀塘區少有嘅露天座位，以及播放八十年代懷舊英文歌，係另一種氣氛」。
Wilson本來已夠忙，現時再抽時間打理餐廳，每晚10時後才收工，但餐廳營運半年已賺錢。「只係賺少少，但過程和經驗好好玩。我利用印刷學到嘅標準化概念，希望做到可複製模式，最理想係開連鎖店，同印刷同步發展」。
長青網 - 一站式長者及護老者生活資訊網站