【姐匙Talk】瘦蜢蜢揮霍懶理老公財困

【蘋果日報】好多女明星入行最大目標係釣個金龜婿，幫夫家生番幾個開枝散葉，咁女星就可以印印腳過闊太生活，享受做豪門少奶奶。女星「瘦蜢蜢」婚後都好生養，為夫家生咗幾個小朋友，仲成日喺網上貼相晒幸福，展示一家人生活過得好開心，瘦蜢蜢當然唔少得晒埋富貴行頭炫富，名牌新衫同靚手袋，當然仲有閃爆對眼嘅名貴首飾。
但近日坊間卻傳出瘦蜢蜢老公生意出問題，經濟上已經大不如前，老婆都被閂水喉，所以全家忽然變得低調。有指瘦蜢蜢老公嘅公司，近日生意唔係咁好，仲傳出欠債，仲周圍問人撲水，長遠落去真係唔係辦法，所以男方都好頭痕，努力周圍搵生意，以穩定軍心。
不過，老婆瘦蜢蜢入門前都食慣使慣，所以冇乜危機意識，開支仲係同以前冇乜分別，家中有個「大使老婆」，幫唔到手之餘，真要幫倒忙。瘦蜢蜢老公嘅公司如果仲係流血不止，好快就會爆煲，爆起上嚟，睇怕連佢哋嘅婚姻都隨時受影響。
撰文：Jessie
姐匙Talk
我姐匙縱橫歌影視幕後，多年嚟冷眼旁觀，娛樂圈大小事都走唔過我雙眼，歡迎大家嚟剝花生。
長青網 - 一站式長者及護老者生活資訊網站