新聞類別
財經
詳情#
【蘋果日報】喺香港搞生物科技嘅公司唔少，其中賭王何鴻燊身邊四大護法之一禤永明嘅囝囝禤駿遠（Ian）創立嘅知臨集團（Aptorum），前排成功喺美國納斯達克上市。Ian就同記者話生物科技喺美國好普及，香港潛力其實好大，尤其係傳染病研究嘅能力，仲話條件許可，會計劃喺香港上市。
講到Ian爸爸禤永明，佢喺銀行業界打滾多年，1979年加入信德集團，曾經幫過賭王嘅澳娛收購誠興銀行。2003年沙士爆發，禤永明亦中招，前後留院逾百日，好彩最後無事，自此不再只顧搵錢搏殺，並熱衷於健康和教育等事務，最終喺2011年離世。至於當年四大護法，仲有蘇樹輝、陳偉能，同有「飛仔強」之稱嘅李志強。
華華問到Ian同何鴻燊醫療拓展基金會嘅關係，佢只係輕輕帶過話係委員之一，自己只係以個人身份出席，公司亦無參與。講到Ian同賭王關係，佢只係答：「我父親同佢做嘢。」賭王亦無入股公司。
不過Ian都好叻仔，名牌大學普林斯頓大學讀商科出身，曾經做過醫藥業分析員，之後創立知臨呢間製藥公司，現時仲有10項在研藥物，華華希望佢間公司成功啦。
李華華
LiWaWa@AppleDaily.com
長青網 - 一站式長者及護老者生活資訊網站
講到Ian爸爸禤永明，佢喺銀行業界打滾多年，1979年加入信德集團，曾經幫過賭王嘅澳娛收購誠興銀行。2003年沙士爆發，禤永明亦中招，前後留院逾百日，好彩最後無事，自此不再只顧搵錢搏殺，並熱衷於健康和教育等事務，最終喺2011年離世。至於當年四大護法，仲有蘇樹輝、陳偉能，同有「飛仔強」之稱嘅李志強。
華華問到Ian同何鴻燊醫療拓展基金會嘅關係，佢只係輕輕帶過話係委員之一，自己只係以個人身份出席，公司亦無參與。講到Ian同賭王關係，佢只係答：「我父親同佢做嘢。」賭王亦無入股公司。
不過Ian都好叻仔，名牌大學普林斯頓大學讀商科出身，曾經做過醫藥業分析員，之後創立知臨呢間製藥公司，現時仲有10項在研藥物，華華希望佢間公司成功啦。
李華華
LiWaWa@AppleDaily.com
長青網 - 一站式長者及護老者生活資訊網站
回應 (0)
