周綺萍：「996」好易過勞死

【蘋果日報】早前被網友批「壓大學生價」、幫僱主踩新世代員工的安俊人力資源顧問董事總經理周綺萍，都對「996」不滿，「係個人意願當然好，但係我接觸過嘅年輕人好多都唔係咁諗，梗係唔係福氣啦！」
初創不重工時 最緊要有無心
周綺萍表示，「唔係咁鍾意份工都好難（996），但係香港打工仔咁鍾意份工比例係好少！」直言僱主要求一般打工仔996是不合理，「根本生活唔到，好容易過勞死！」她表示香港已沒有全民退休保障，生活壓力亦大，「如果僱主都係要強迫，出面咁多工作選擇，就知道間公司都唔適合你。」
現參與科學園科技創業培育計劃，主要發展3D及AR產品的初創公司立體驗聯合創辦人胡麗玲（Tina）表示：「我從來唔會叫員工準時返工或者放工，最緊要係完成到工作，同埋有無心去做。」
智能手機軟件開發商Innopage創辦人李勁華指，要求沒有認股權的員工沒日沒夜地工作是不切實際，「996適用於創辦人和有股份的員工，因為他們的回報會和公司表現掛鈎，但996唔可以直接套落啲同事度。」他希望員工有自己生活，工作完成後盡早休息。
Uber香港高級營運經理李欣蓓更指，指員工坐在自己的位置上，不是最好的工作環境，反而在較放鬆的環境下，會更容易有新的想法，「放假要真正放假先有意思，我哋鼓勵員工放假唔好覆email，唔好開工作群組，希望盡量放下工作（unplug）。」
長青網 - 一站式長者及護老者生活資訊網站