新聞類別
港聞
詳情#
【蘋果日報】六四屠城30年，《蘋果》邀請歌手黃耀明與填詞人周耀輝對談。黃耀明的六四是政治覺醒，多年身體力行，換來傘後封殺，近日連達明一派的歌曲也受株連，在音樂平台內地版下架，明哥引用名著《1984》中「無知就是力量（Ignorance is Strength）」，說近年香港人最需要戰勝的恐怖，正是習慣被打壓。溫水漸滾燙，救火少年尚餘幾個？周耀輝指有些同輩早成犬儒，是自己不敢忘記當年民主願望，「30年，周圍真係變咗好多，但好似自己冇變到」。
記者：周 婷
1989年5月，民主歌聲響徹跑馬地，黃耀明至今難忘，「六四對好多香港人，包括我自己係一個覺醒嚟嘅，面對嗰樣嘢大家係好積極，最後尾以屠城結束係好大打擊」。慘劇未有令他心死，1989至1990年的冬天，達明一派創作出載有《天問》等歌曲的大碟《神經》；六四慘劇周年前夕，明哥、岑建勳和梅艷芳等人，將民主歌聲帶到美國和加拿大。
周寫《天問》 辭任新聞官
為《天問》填詞之前，周耀輝是政府新聞官、1989年獲派到倫敦受訓，要是當年沒有辭職，憑他的資歷與年紀，現在相信是高官了。周耀輝自言只是大時代小人物，是六四影響了一生，「辭工係個人嘅小決定，喺嚴寒裏面總會有啲人物，我哋未必知道，可能喺心入面做一啲小決定」。
周耀輝跟黃耀明一早相識，六四後明哥邀請他為達明一派填詞，正是後來面世的《天問》，「辭咗政府工，但仲要繼續返幾個月，我仲係返緊政府工時寫《天問》，30年後一定唔得，依家有冇一個政府，可以容許僱員寫一首《天問》？唔使問」。周耀輝稱，《天問》問「為何靜默」，30年後的今天仍然適用，「對不公義嘅事，點解我哋唔去問？」正如近日前特首梁振英努力閱報點算廣告，黃耀明笑言：「咁30年前梁振英都登廣告，譴責當時發生嘅事啦」。打倒昨日，實在毋須30年這麼久，幸運是並非人人能厚着面皮指鹿為馬，那邊廂六四未平反，談到香港前途，明哥頗為悲觀，「30年後我覺得壞咗，正正今日做訪問時，係好有象徵嘅一日，九龍嗰邊判緊雨傘運動嘅其中幾位」。
明哥引名句：無知就是力量
不止《天問》，被指暗喻六四、張學友主唱的《人間道》也不倖免；天不容問，明哥偏問：「係咪可以繼續無動於衷落去呢？當時我諗起《1984》一句quote『Ignorance is strength』（無知就是力量），依家恐怖嘅地方，就係我哋已經被教導成學會點樣面對（打壓），變咗一種習慣。」
周耀輝指，1989年正值內地改革開放、曾現一片興旺，令人感覺有希望因而堅持，但不論事隔多少年亦難以有人說得準，當年民主願望是否差一點得以達成。所謂毋忘，周耀輝形容是「要知道30年前爭取嘅嘢，依家係未到手」，強調民主價值不只體現在政制，「（權力）平等，可能係男女平等、貧富平等，性別（平等）方面我覺得仲有得做吓」。
大地靜默無話，堅持不易，周耀輝說：「同輩嘅人因為生活、年紀，好多唔同咗以前，講乜理想箒？」然而有黃耀明這些同行者，大家斗膽挽起弓與箭，30年走來未算太艱難，「有（黃耀明）咁嘅朋友，係好難犬儒」。明哥亦笑着回應自己不覺孤單，「每人各自喺崗位上面，做好微小好微小嘅抗爭，加埋一齊仍然有用，我相信」。
長青網 - 一站式長者及護老者生活資訊網站
記者：周 婷
1989年5月，民主歌聲響徹跑馬地，黃耀明至今難忘，「六四對好多香港人，包括我自己係一個覺醒嚟嘅，面對嗰樣嘢大家係好積極，最後尾以屠城結束係好大打擊」。慘劇未有令他心死，1989至1990年的冬天，達明一派創作出載有《天問》等歌曲的大碟《神經》；六四慘劇周年前夕，明哥、岑建勳和梅艷芳等人，將民主歌聲帶到美國和加拿大。
周寫《天問》 辭任新聞官
為《天問》填詞之前，周耀輝是政府新聞官、1989年獲派到倫敦受訓，要是當年沒有辭職，憑他的資歷與年紀，現在相信是高官了。周耀輝自言只是大時代小人物，是六四影響了一生，「辭工係個人嘅小決定，喺嚴寒裏面總會有啲人物，我哋未必知道，可能喺心入面做一啲小決定」。
周耀輝跟黃耀明一早相識，六四後明哥邀請他為達明一派填詞，正是後來面世的《天問》，「辭咗政府工，但仲要繼續返幾個月，我仲係返緊政府工時寫《天問》，30年後一定唔得，依家有冇一個政府，可以容許僱員寫一首《天問》？唔使問」。周耀輝稱，《天問》問「為何靜默」，30年後的今天仍然適用，「對不公義嘅事，點解我哋唔去問？」正如近日前特首梁振英努力閱報點算廣告，黃耀明笑言：「咁30年前梁振英都登廣告，譴責當時發生嘅事啦」。打倒昨日，實在毋須30年這麼久，幸運是並非人人能厚着面皮指鹿為馬，那邊廂六四未平反，談到香港前途，明哥頗為悲觀，「30年後我覺得壞咗，正正今日做訪問時，係好有象徵嘅一日，九龍嗰邊判緊雨傘運動嘅其中幾位」。
明哥引名句：無知就是力量
不止《天問》，被指暗喻六四、張學友主唱的《人間道》也不倖免；天不容問，明哥偏問：「係咪可以繼續無動於衷落去呢？當時我諗起《1984》一句quote『Ignorance is strength』（無知就是力量），依家恐怖嘅地方，就係我哋已經被教導成學會點樣面對（打壓），變咗一種習慣。」
周耀輝指，1989年正值內地改革開放、曾現一片興旺，令人感覺有希望因而堅持，但不論事隔多少年亦難以有人說得準，當年民主願望是否差一點得以達成。所謂毋忘，周耀輝形容是「要知道30年前爭取嘅嘢，依家係未到手」，強調民主價值不只體現在政制，「（權力）平等，可能係男女平等、貧富平等，性別（平等）方面我覺得仲有得做吓」。
大地靜默無話，堅持不易，周耀輝說：「同輩嘅人因為生活、年紀，好多唔同咗以前，講乜理想箒？」然而有黃耀明這些同行者，大家斗膽挽起弓與箭，30年走來未算太艱難，「有（黃耀明）咁嘅朋友，係好難犬儒」。明哥亦笑着回應自己不覺孤單，「每人各自喺崗位上面，做好微小好微小嘅抗爭，加埋一齊仍然有用，我相信」。
長青網 - 一站式長者及護老者生活資訊網站
回應 (0)
