他們曾說過……

【蘋果日報】支聯會本身要換血，要年輕化，你要了解到個市場。個市場唔同咗，1989年六四嗰陣時係用緊大水壺，依家用緊iPhone，呢個就係一個市場嘅變化。但係喺有所變裏面，我諗香港老年人、中年人，同埋年輕人，都要睇到一個有所不變嘅價值觀，就係對於六四嘅哀悼、銘記，呢個係一定要堅持。不能夠話因為我係本土、佢係大陸，而覺得佢殺幾多人關我咩事？呢種咁嘅意氣唔係好正確。我諗六四就係六四，每年到咗六四，無論你係大中華又好，本土又好，佢係提供咗一個大方向，至少喺呢三幾日，放低自己一啲利益成見，為一個高尚人道嘅目的，行埋一齊。呢個問題係大是大非，係黑白公義。香港喺珠江口岸，上面有乜大感冒，下面就會打乞嗤，呢種地理連體，你鍾意又好，唔鍾意又好，不能夠逃避。
——作家陶傑2015年在浸大學生會主辦的六四論壇上評論香港年輕人應否與六四切割的爭議
長青網 - 一站式長者及護老者生活資訊網站