新聞類別
港聞
詳情#
【蘋果日報】【送中惡法】
【蘋果日報】「送中」危機觸發逾13萬人上街說「不」，鮮有遊行的公務員事務局前局長王永平也在隊伍中。他接受《蘋果》專訪時指，政府就《逃犯條例》諮詢僅20日是不正常，應商界要求剔除九項移交罪行更是製造不公平，令更多人注意到修例的荒謬，直言當局低估市民智慧和「恐共」情緒，「好多人覺得你（政府）侮辱緊我，用台灣個案話唔改唔得，但其實係呃緊我」。
記者：羅繼盛
特區政府為盡早通過《逃犯條例》修訂，僅匆匆諮詢公眾20日，為官數十年的王永平也看不過眼。他形容特區政府做法「絕對不正常」，指同期就防止殘酷對待動物條例提高罰則，諮詢期也三個月，「（《逃犯條例》）影響700萬人，個個有機會中，諮詢20日？點講都唔通啦」。
《逃犯條例》在向來親建制的商界引來迴響，政府旋即配合，在適用引渡的罪行中剔除九項商業相關罪行。王稱法律面前人人平等，但政府帶頭為商界豁免罪行，製造非常不公平情況，只會引起更多人注意事件的荒謬。但他認為在內地做生意很難避開送禮等潛規則，「（內地）真係要對付、引渡你，最重要一條係貪污賄賂……這一條撇除唔到，（剔除）都係冇用」。
令港人活在恐懼中
王永平自言並非從商，與內地也沒大瓜葛，相信自己不會「被移交」，「但我香港認識嘅朋友、我嘅家人，話唔埋呀！」他直指中央近年指示香港積極參與大灣區發展，「點解你（港府）要製造恐慌，令佢哋（市民）擔心大陸可以捉佢哋返去審？」
即使從「愛國愛港」角度看，王指港府都「錯到離譜」，形容修例令香港大多數人活在恐懼中，「你話唔好驚就得咩？我記得遊行時有人同我講：『我都從大陸嚟，咁咪驚囉。將來大陸要邊個就攞邊個。中央攞人，特首會唔畀咩？』」王又稱，事件令外國質疑香港的一國兩制應非中央樂見；而一向愛國的商界為爭取豁免，一直「唱衰」中國司法制度，「咁仲唔係害國？」
政府堅持修訂《逃犯條例》，引發逾13萬人上街聲討，人數是2014年傘運後新高。王認為政府由始到終都沒有深思熟慮，「以為好簡單，大家未瞓醒就已經過咗，領晒大功」。而當局又誤以為傘運後，市民已經「打到散晒，冇晒心機」，卻低估市民智慧和恐共情緒，「好多人覺得你侮辱緊我，用台灣個案話唔改唔得，但其實係呃緊我。講到你唔支持就係衰，冇同理心，唔履行公義。好多人有咁嘅反彈」。
王建議政府可先修例，讓現行《逃犯條例》可適用於台灣，連同立法會、行政長官會同行政會議和刊憲程序，最多兩個月即完成，時間足以處理台灣殺人案；至於其他安排包括與內地間移交，可再從長計議。
長青網 - 一站式長者及護老者生活資訊網站
【蘋果日報】「送中」危機觸發逾13萬人上街說「不」，鮮有遊行的公務員事務局前局長王永平也在隊伍中。他接受《蘋果》專訪時指，政府就《逃犯條例》諮詢僅20日是不正常，應商界要求剔除九項移交罪行更是製造不公平，令更多人注意到修例的荒謬，直言當局低估市民智慧和「恐共」情緒，「好多人覺得你（政府）侮辱緊我，用台灣個案話唔改唔得，但其實係呃緊我」。
記者：羅繼盛
特區政府為盡早通過《逃犯條例》修訂，僅匆匆諮詢公眾20日，為官數十年的王永平也看不過眼。他形容特區政府做法「絕對不正常」，指同期就防止殘酷對待動物條例提高罰則，諮詢期也三個月，「（《逃犯條例》）影響700萬人，個個有機會中，諮詢20日？點講都唔通啦」。
《逃犯條例》在向來親建制的商界引來迴響，政府旋即配合，在適用引渡的罪行中剔除九項商業相關罪行。王稱法律面前人人平等，但政府帶頭為商界豁免罪行，製造非常不公平情況，只會引起更多人注意事件的荒謬。但他認為在內地做生意很難避開送禮等潛規則，「（內地）真係要對付、引渡你，最重要一條係貪污賄賂……這一條撇除唔到，（剔除）都係冇用」。
令港人活在恐懼中
王永平自言並非從商，與內地也沒大瓜葛，相信自己不會「被移交」，「但我香港認識嘅朋友、我嘅家人，話唔埋呀！」他直指中央近年指示香港積極參與大灣區發展，「點解你（港府）要製造恐慌，令佢哋（市民）擔心大陸可以捉佢哋返去審？」
即使從「愛國愛港」角度看，王指港府都「錯到離譜」，形容修例令香港大多數人活在恐懼中，「你話唔好驚就得咩？我記得遊行時有人同我講：『我都從大陸嚟，咁咪驚囉。將來大陸要邊個就攞邊個。中央攞人，特首會唔畀咩？』」王又稱，事件令外國質疑香港的一國兩制應非中央樂見；而一向愛國的商界為爭取豁免，一直「唱衰」中國司法制度，「咁仲唔係害國？」
政府堅持修訂《逃犯條例》，引發逾13萬人上街聲討，人數是2014年傘運後新高。王認為政府由始到終都沒有深思熟慮，「以為好簡單，大家未瞓醒就已經過咗，領晒大功」。而當局又誤以為傘運後，市民已經「打到散晒，冇晒心機」，卻低估市民智慧和恐共情緒，「好多人覺得你侮辱緊我，用台灣個案話唔改唔得，但其實係呃緊我。講到你唔支持就係衰，冇同理心，唔履行公義。好多人有咁嘅反彈」。
王建議政府可先修例，讓現行《逃犯條例》可適用於台灣，連同立法會、行政長官會同行政會議和刊憲程序，最多兩個月即完成，時間足以處理台灣殺人案；至於其他安排包括與內地間移交，可再從長計議。
長青網 - 一站式長者及護老者生活資訊網站
回應 (0)
