新聞類別
港聞
詳情#
【蘋果日報】
薛家燕，今年已經69歲，她說難得這個歲數遇上事業第三個高峯。
離婚後的30多年，為生活為三個子女一直打拼，累得五勞七傷，曾經在半年內開刀三次，家燕姐坦言依然享受所經歷的一切。
第三個高峯，她邀請了19年前，合拍過電視劇、一起中六合彩、拍戲受傷陪她入急症室的張智霖一起見證。
攝影：吳斯金
童星開始，入行超過60年，在不同地方合共開過幾百場演唱會，唯獨香港未開過，去年12月，她終於在紅館如願。這個高峯，她邀請張智霖（Chilam）在台上一起度過。原來，他們之間有個動人故事，時間回到2000年，兩人合作電視劇《十月初五的月光》。
「我哋喺澳門一齊拍電視劇，當時佢仲係好年輕，我飾演佢媽媽，但大家好投契，好似一家人咁樣，建立咗一份好深厚嘅友情。當時佘詩曼仍然係新人，Chilam就出道比較早，佢好搞笑。拍攝期間，我哋曾經夾份買六合彩，每人好似夾500蚊，然後中咗獎，唔記得中咗幾多錢，總之分錢嘅時候好開心。」家燕姐說Chilam其後為她做過一件事，令她十分感動。
拍《十月初五》與Chilam建友情
「我嗰時除咗拍《十月初五的月光》，仲趕緊《Loving You》，有一日，我同Chilam拍跳舞戲份，唔知係甩骹定半月板出問題，痛得好緊要，要即時叫救護車送我入醫院。去到急症室又冇醫生，我一直好痛，呢個時候，Chilam竟然拎份馬報入嚟同我講，家燕姐，你諗住聽日買邊隻馬？我話唔買嘞，隻腳好痛呀，佢就話要乘勝追擊。」回想這一幕，家燕姐笑到幾乎停唔到。
「其實佢用心良苦，想引開我嘅注意力，唔想集中喺痛處。我一直坐喺急症室等醫生，Chilam又再走入嚟，佢話家燕姐，你舅父嚟咗，我心諗邊個嚟咗呢？後來真係有位60歲，好似我舅父嘅人入咗嚟，佢問我邊度痛？我指住隻腳，然後佢捉住隻腳，扭咗兩下。之後真係冇痛，又行得番，咁我當然即刻返屋企啦。事後問番Chilam嗰個係乜嘢人，原來係跌打醫師，佢話見我痛到咁緊要，咪搵醫師嚟睇吓我。我真係好感激佢，自此我哋就有一份好深厚嘅友情。」她剖白跟Chilam經歷。
四年前，兩人再合作《十月初五的月光》電影版，一班演員出席馬來西亞宣傳活動，Chilam又給她製造驚喜：「佢預先訂咗一條喺當地有錢都未必食到、叫『忘不了』嘅魚畀我試，話呢條魚係跳上水食水果嘅，所以肉質好滑，真係好有心。」下個月，家燕姐在澳門再開演唱會，澳門留下很多她跟Chilam和佘詩曼的片段，兩人都是她心中最希望出現的嘉賓，因為是他們的集體回憶。
七號人格工作狂 半年開刀三次
工作、工作之後都是工作。
「每日瞓得四個鐘，因為日頭好多工作，例如家燕媽媽學校、品牌生意、電視台工作等，返到屋企已經夜晚12點左右，嗰時先可以睇電郵、WhatsApp，睇吓有咩漏咗要覆番人，淨係咁樣回覆都花一、兩個鐘，兩、三點至可以瞓覺。其實到夜晚，自己至可以定落嚟做決定。日頭搵我，我會話遲啲覆，因為唔想喺好倉促時間決定一樣嘢。同埋嗰段時間，我先搵到珊珊（大女）傾偈，因為每次打畀佢，佢都係忙緊。我好多時要打畀佢身邊同事，轉述佢知有急事。」家燕姐說。
訪問後沒幾天，家燕姐做商演時吃了生蠔，整晚又屙又嘔，輕微中毒被送入院，說穿了，是過於勞累。
這樣忙碌的日子，1996年也出現過，離婚後，她遇上事業第二個高峯，一直未有好好休息的身體，2008年終於爆煲，半年內開刀三次。第三次手術後，囤積在體內的毒素未能即時排出，她足足昏迷了四日。大女石祐珊當時在外地，家人都不敢告訴實情，待她趕返港後才知道媽媽出事，自此，她下令家燕姐工作量減磅。
「當時阿女已經幫我推咗好多工作，但係佢見我因要喺屋企休息一、兩個月而好唔開心，之後佢讀完一個九形人格課程，發覺我係七號人格，係唔可以停落嚟，要不斷工作，佢再問我係咪好想工作，我話係，佢先慢慢安排番一啲工作畀我。」她重提舊事。家燕姐是工作狂，老友黎小田曾經說過當年兩人合作節目《家燕與小田》受歡迎，大部份歸功於這位勤力拍檔。每次開工，她在錄影廠默默排練，他做到肚餓，必定要出外先吃個牛扒餐，然後才回去繼續錄影。知恩圖報，現在只要家燕姐叫他做的事，他一定答應。
45年前的《家燕與小田》，是家燕姐口中第一個事業高峯，她這樣形容「睇緊無綫嘅觀眾會轉台睇呢個節目」，是亞視前身麗的電視王牌節目，播足四年才光榮引退。「我好享受演藝事業，首先好鍾意唱歌，因為可以賺錢之餘，仲賺到掌聲，咁點解唔唱呢？其次我好鍾意扮嘢演戲，一入錄影廠，其他人見到我已經會笑，你叫我喊又可以即刻喊，成績唔錯。第三係我鍾意講嘢，平時一班人坐低都係我講嘢比較多，電台仲要畀錢我，聽眾又聽得開心，何樂而不為呢？點解要埋沒自己，唔去享受呢？」家燕姐說外出前會悉心打扮，工作再多，也是充滿樂趣。不過，人要知止，才活得更有意義。家燕姐坦言去年發現身體再度出現問題，現在擁有製作公司，並任職經理人的大女即對她下減產令，她說：「我覺得自己已經不枉此生，不過年紀大，其實真係唔可以再太過操勞，所以阿女幫我推咗一套電影、一部電視劇，佢話工作要適可而止，擔心我身體負荷唔到。」
感情留傷疤拒再婚
除了事業，如何處理愛情……
薛家燕1995年跟前夫正式離婚，為生活，為供子女到外國升學，在事業上一直拼搏。2009年，她才公開有個年輕17年的男朋友，雖然這位一直未肯露面見人、名叫Andy的男朋友曾求婚兩次，但家燕姐從來沒想過再婚。
事業放第一，難免顧此失彼，她說：「因為我曾經愛得好深，亦跌得好深，當時覺得冇咗對方就係世界末日。嗰次教訓好傷，差唔多連自己性命都唔要，原來只不過係冇咗份愛，所以依家回想，覺得當時自己太儍。愛情話變就變，係咪第三者？定有其他意圖？唔知道，所以要懂得收放。我對呢份愛情好珍惜，但係咪放第一位？我唔敢，我唔想再受傷。」
場地提供：工創空間
長青網 - 一站式長者及護老者生活資訊網站
薛家燕，今年已經69歲，她說難得這個歲數遇上事業第三個高峯。
離婚後的30多年，為生活為三個子女一直打拼，累得五勞七傷，曾經在半年內開刀三次，家燕姐坦言依然享受所經歷的一切。
第三個高峯，她邀請了19年前，合拍過電視劇、一起中六合彩、拍戲受傷陪她入急症室的張智霖一起見證。
攝影：吳斯金
童星開始，入行超過60年，在不同地方合共開過幾百場演唱會，唯獨香港未開過，去年12月，她終於在紅館如願。這個高峯，她邀請張智霖（Chilam）在台上一起度過。原來，他們之間有個動人故事，時間回到2000年，兩人合作電視劇《十月初五的月光》。
「我哋喺澳門一齊拍電視劇，當時佢仲係好年輕，我飾演佢媽媽，但大家好投契，好似一家人咁樣，建立咗一份好深厚嘅友情。當時佘詩曼仍然係新人，Chilam就出道比較早，佢好搞笑。拍攝期間，我哋曾經夾份買六合彩，每人好似夾500蚊，然後中咗獎，唔記得中咗幾多錢，總之分錢嘅時候好開心。」家燕姐說Chilam其後為她做過一件事，令她十分感動。
拍《十月初五》與Chilam建友情
「我嗰時除咗拍《十月初五的月光》，仲趕緊《Loving You》，有一日，我同Chilam拍跳舞戲份，唔知係甩骹定半月板出問題，痛得好緊要，要即時叫救護車送我入醫院。去到急症室又冇醫生，我一直好痛，呢個時候，Chilam竟然拎份馬報入嚟同我講，家燕姐，你諗住聽日買邊隻馬？我話唔買嘞，隻腳好痛呀，佢就話要乘勝追擊。」回想這一幕，家燕姐笑到幾乎停唔到。
「其實佢用心良苦，想引開我嘅注意力，唔想集中喺痛處。我一直坐喺急症室等醫生，Chilam又再走入嚟，佢話家燕姐，你舅父嚟咗，我心諗邊個嚟咗呢？後來真係有位60歲，好似我舅父嘅人入咗嚟，佢問我邊度痛？我指住隻腳，然後佢捉住隻腳，扭咗兩下。之後真係冇痛，又行得番，咁我當然即刻返屋企啦。事後問番Chilam嗰個係乜嘢人，原來係跌打醫師，佢話見我痛到咁緊要，咪搵醫師嚟睇吓我。我真係好感激佢，自此我哋就有一份好深厚嘅友情。」她剖白跟Chilam經歷。
四年前，兩人再合作《十月初五的月光》電影版，一班演員出席馬來西亞宣傳活動，Chilam又給她製造驚喜：「佢預先訂咗一條喺當地有錢都未必食到、叫『忘不了』嘅魚畀我試，話呢條魚係跳上水食水果嘅，所以肉質好滑，真係好有心。」下個月，家燕姐在澳門再開演唱會，澳門留下很多她跟Chilam和佘詩曼的片段，兩人都是她心中最希望出現的嘉賓，因為是他們的集體回憶。
七號人格工作狂 半年開刀三次
工作、工作之後都是工作。
「每日瞓得四個鐘，因為日頭好多工作，例如家燕媽媽學校、品牌生意、電視台工作等，返到屋企已經夜晚12點左右，嗰時先可以睇電郵、WhatsApp，睇吓有咩漏咗要覆番人，淨係咁樣回覆都花一、兩個鐘，兩、三點至可以瞓覺。其實到夜晚，自己至可以定落嚟做決定。日頭搵我，我會話遲啲覆，因為唔想喺好倉促時間決定一樣嘢。同埋嗰段時間，我先搵到珊珊（大女）傾偈，因為每次打畀佢，佢都係忙緊。我好多時要打畀佢身邊同事，轉述佢知有急事。」家燕姐說。
訪問後沒幾天，家燕姐做商演時吃了生蠔，整晚又屙又嘔，輕微中毒被送入院，說穿了，是過於勞累。
這樣忙碌的日子，1996年也出現過，離婚後，她遇上事業第二個高峯，一直未有好好休息的身體，2008年終於爆煲，半年內開刀三次。第三次手術後，囤積在體內的毒素未能即時排出，她足足昏迷了四日。大女石祐珊當時在外地，家人都不敢告訴實情，待她趕返港後才知道媽媽出事，自此，她下令家燕姐工作量減磅。
「當時阿女已經幫我推咗好多工作，但係佢見我因要喺屋企休息一、兩個月而好唔開心，之後佢讀完一個九形人格課程，發覺我係七號人格，係唔可以停落嚟，要不斷工作，佢再問我係咪好想工作，我話係，佢先慢慢安排番一啲工作畀我。」她重提舊事。家燕姐是工作狂，老友黎小田曾經說過當年兩人合作節目《家燕與小田》受歡迎，大部份歸功於這位勤力拍檔。每次開工，她在錄影廠默默排練，他做到肚餓，必定要出外先吃個牛扒餐，然後才回去繼續錄影。知恩圖報，現在只要家燕姐叫他做的事，他一定答應。
45年前的《家燕與小田》，是家燕姐口中第一個事業高峯，她這樣形容「睇緊無綫嘅觀眾會轉台睇呢個節目」，是亞視前身麗的電視王牌節目，播足四年才光榮引退。「我好享受演藝事業，首先好鍾意唱歌，因為可以賺錢之餘，仲賺到掌聲，咁點解唔唱呢？其次我好鍾意扮嘢演戲，一入錄影廠，其他人見到我已經會笑，你叫我喊又可以即刻喊，成績唔錯。第三係我鍾意講嘢，平時一班人坐低都係我講嘢比較多，電台仲要畀錢我，聽眾又聽得開心，何樂而不為呢？點解要埋沒自己，唔去享受呢？」家燕姐說外出前會悉心打扮，工作再多，也是充滿樂趣。不過，人要知止，才活得更有意義。家燕姐坦言去年發現身體再度出現問題，現在擁有製作公司，並任職經理人的大女即對她下減產令，她說：「我覺得自己已經不枉此生，不過年紀大，其實真係唔可以再太過操勞，所以阿女幫我推咗一套電影、一部電視劇，佢話工作要適可而止，擔心我身體負荷唔到。」
感情留傷疤拒再婚
除了事業，如何處理愛情……
薛家燕1995年跟前夫正式離婚，為生活，為供子女到外國升學，在事業上一直拼搏。2009年，她才公開有個年輕17年的男朋友，雖然這位一直未肯露面見人、名叫Andy的男朋友曾求婚兩次，但家燕姐從來沒想過再婚。
事業放第一，難免顧此失彼，她說：「因為我曾經愛得好深，亦跌得好深，當時覺得冇咗對方就係世界末日。嗰次教訓好傷，差唔多連自己性命都唔要，原來只不過係冇咗份愛，所以依家回想，覺得當時自己太儍。愛情話變就變，係咪第三者？定有其他意圖？唔知道，所以要懂得收放。我對呢份愛情好珍惜，但係咪放第一位？我唔敢，我唔想再受傷。」
場地提供：工創空間
長青網 - 一站式長者及護老者生活資訊網站
回應 (0)
