新聞類別
港聞
詳情#
【蘋果日報】香港樓價高企，買新樓動輒600、700萬元，政府以低於市價推售新居屋，成為不少無殼蝸牛上車希望。90後古小姐從不敢奢望買樓，「樓價咁貴，根本買唔起」，她與媽媽居於九龍東，眼見彩興苑以市價七折推售，遂以白表家庭入表一試，「等於你問我點解要買六合彩，（入表抽居屋）都係試吓。」無心插柳柳成蔭，在幸運之神眷顧下，首次申請一擊即中，「第一次抽居屋就抽到，公佈攪珠嗰時好緊張，知道自己排第一真係好開心」。
90後九成按揭上車
古小姐選購彩興苑一個實用面積約370呎單位，售價約290萬元，承造九成按揭，月供約一萬元。由無殼蝸牛變業主，「日後供樓負擔係好重，嚟緊去旅行都會少之又少，食飯就食平啲啦」。
80後陳氏夫婦婚後一直居於家人的西營盤唐樓，「單位係屋企人舊居，所以唔使交租」。其後陳太懷孕，二人決定以白表資格抽居屋，同樣一擊即中；但收樓後才發現單位較預期細，「原本打算間做兩間房，依家會先間一房，再喺裝修諗吓辦法」。
近年新居屋質素參差，兩夫婦收樓後均認為「比想像中多問題」。他們已預期牆身一定有瑕疵，但想不到熱水爐嚴重傾斜，「印象最差就係個爐，斜得好明顯，好難接受」，隔音窗未能去水亦成另一扣分位，將要求煤氣公司及房屋署跟進執漏。
■記者李詠希、譚靜雯
長青網 - 一站式長者及護老者生活資訊網站
90後九成按揭上車
古小姐選購彩興苑一個實用面積約370呎單位，售價約290萬元，承造九成按揭，月供約一萬元。由無殼蝸牛變業主，「日後供樓負擔係好重，嚟緊去旅行都會少之又少，食飯就食平啲啦」。
80後陳氏夫婦婚後一直居於家人的西營盤唐樓，「單位係屋企人舊居，所以唔使交租」。其後陳太懷孕，二人決定以白表資格抽居屋，同樣一擊即中；但收樓後才發現單位較預期細，「原本打算間做兩間房，依家會先間一房，再喺裝修諗吓辦法」。
近年新居屋質素參差，兩夫婦收樓後均認為「比想像中多問題」。他們已預期牆身一定有瑕疵，但想不到熱水爐嚴重傾斜，「印象最差就係個爐，斜得好明顯，好難接受」，隔音窗未能去水亦成另一扣分位，將要求煤氣公司及房屋署跟進執漏。
■記者李詠希、譚靜雯
長青網 - 一站式長者及護老者生活資訊網站
回應 (0)
