爆屎渠後　海之戀停電現鼠蹤

【蘋果日報】今年初才落成入伙的長實新盤海之戀，曾經嚴重爆屎渠，周一早上又突然停電，到深夜才恢復電力，有住宅投訴雪櫃內的參茸海味全部變壞，苦等兩年樓花入伙後，卻「貼錢買難受」。港鐵承認電掣房內有供電部件故障，已搶修及調整，未來會密切監察以確保供電系統正常運作。
記者昨日直擊海之戀，從地基大堂出口，沿停電的第9、第10座走，看到不少於三個地盤工地，當中滿佈建築廢料、貨櫃、木枝、石磚等建築用料，地盤工人不時進出，沙塵散佈平台。途中有工人推着大型玻璃行走，但只有兩名工人合力扶着。屋苑平台有多個工地，記者亦見蟑螂出沒，環境極不理想。
住客曾先生憶述停電情況指，「星期一上午10時起停電，大堂冇晒燈光及冷氣，只係升降機運作。自己住喺第9座，大堂雖有升降機運作，但單位內全部停電。」
他在停電時曾向保安員查詢，「佢哋冇解釋點解停電，只係話維修緊，最早期維修進度良好，希望可以5、6點搞掂，但最後都係遲咗兩個鐘！暫時未見任何補償方案！」他慨嘆，「入嚟住咗三個月，未入伙嗰邊有好多建築材料、廢料、工人出出入入，環境唔理想，基本上出入空氣好差。」並指「有朋友離開屋苑時，喺未入伙範圍內見過老鼠走過！但自己就冇見過！」
港鐵：停電因供電部件故障
港鐵回覆本報查詢指，當日接到部分住戶通知停電，客務處立刻通知發展商跟進，檢查發現電掣房內有供電部件故障，相信是潮濕引致。經搶修後，於晚上約8時回復電力供應，維修期間客務處開放屋苑會所供住客使用。發展商昨已重新檢視有關系統及作出調整，以改善電掣房內的濕度。就鼠蹤問題，港鐵稱已在屋苑範圍放置老鼠藥餌及鼠籠，確保屋苑保持整潔衞生。
長青網 - 一站式長者及護老者生活資訊網站