新聞類別
港聞
詳情#
【蘋果日報】政府屢稱移交安排有香港法庭把關，又指被引渡者可以申請司法覆核，法庭把關權力實際有多大？
港大法律學院教授 陳文敏：
當特首啟動引渡程序後，所謂法庭把關，喺聆訊過程中只限處理幾個問題，第一係請求一方向法院提出嘅表面證據，而所謂表面證供，唔需要處理證人講嘅嘢係咪真、唔需要質疑證供可信性、證人當時記憶有幾真確、係咪誇大，甚至唔需要理啲人係咪講大話，只要證供顯示基本上構成罪行，可以移交；法庭可以質疑控方有幾大理由提出檢控嘅權力好細。
另外，法院可以處理嘅只係罪行係咪符合雙重罪行原則，以及會唔會因為種族、宗教、國籍、政見而得唔到公平審判，政見問題唔容易證明，要提出好強烈證據，除此之外係死刑不移交，但法庭唔可以過問請求國對不判死刑嘅承諾。
就算被移交人士可以提出司法覆核、人身保護令，亦唔等於有足夠人權保障，因為特首最後決定係經過法院程序，法院話可以移交，特首咪移交，你係冇嘢可以覆核，因為移交令係行政決定，程序上冇錯，法院就要同意；而人身保護令係睇有冇合理理由拘捕疑犯，但你係會有合理理由，因為你要拘捕、遞解佢出境嘛。
長青網 - 一站式長者及護老者生活資訊網站
港大法律學院教授 陳文敏：
當特首啟動引渡程序後，所謂法庭把關，喺聆訊過程中只限處理幾個問題，第一係請求一方向法院提出嘅表面證據，而所謂表面證供，唔需要處理證人講嘅嘢係咪真、唔需要質疑證供可信性、證人當時記憶有幾真確、係咪誇大，甚至唔需要理啲人係咪講大話，只要證供顯示基本上構成罪行，可以移交；法庭可以質疑控方有幾大理由提出檢控嘅權力好細。
另外，法院可以處理嘅只係罪行係咪符合雙重罪行原則，以及會唔會因為種族、宗教、國籍、政見而得唔到公平審判，政見問題唔容易證明，要提出好強烈證據，除此之外係死刑不移交，但法庭唔可以過問請求國對不判死刑嘅承諾。
就算被移交人士可以提出司法覆核、人身保護令，亦唔等於有足夠人權保障，因為特首最後決定係經過法院程序，法院話可以移交，特首咪移交，你係冇嘢可以覆核，因為移交令係行政決定，程序上冇錯，法院就要同意；而人身保護令係睇有冇合理理由拘捕疑犯，但你係會有合理理由，因為你要拘捕、遞解佢出境嘛。
長青網 - 一站式長者及護老者生活資訊網站
回應 (0)
