加國港人回來參與遊行

【蘋果日報】有移民港人千里迢迢回港遊行，鼓勵港人勿放棄抗爭。加拿大港人移民專頁「住加男人」版主陳裕榮和龍華琛近日分別因工作返港，龍更特意調動工作日程以便參加遊行。他們透露移民查詢明顯增加，當中有不少中產精英，橫跨政府部門、金融、法律界別，大部份為子女選擇移民。


相關新聞：群眾夜攻立會與警血戰

「流落異鄉也要發展香港精神」

雖然可揀置身事外，但他們自言無法放下香港人身份，「既然呢度（香港）發生咗事，我覺得我都要出嚟支持吓」。陳指如果香港通過修例，「對呢個地球嘅人都有影響，任何人喺香港，一講唔啱聽嘅嘢都可以中招」。龍引述銅鑼灣書店事件，反駁「沒有犯法就不會有事」的說法，「書店五子錯喺邊？人哋賣書，有言論自由，點解突然挾走人？」他認為一個健康平等的社會，不會因事不關己就漠視問題，「解決問題係應該正視根源。我點解要走，唔係因為嘆世界，而係為下一代走，係因為對政府失望」。


龍慨嘆大家都是最後一代港人，但「做得幾多得幾多」，並引述電影情節勉勵港人無論身處何方，都要做好本份，繼續傳承香港精神，「我哋喺出面繼續做要做嘅嘢，教廣東話、向仔女講點解要移民。人可以流落其他地方，但精神仲可以發展」。加國移民Bonnie近日回港參加六四晚會及昨日遊行，她指近年香港發生的事，其實不少海外港人都十分關注，例如有團體在多倫多聲援，利用海外言論自由在國際上為港人發聲，「大家係驚共產黨先走，唔好以為移民乜都唔理，人走咗，但心仲喺香港」。


Bonnie批評惡法導致人心惶惶，「點解畀一條法例容許政府隨時捉你，佢想做乜就做乜，冇理由㗎嘛，好似我講呢段嘢，都要驚你嚟拉我，點解我要驚？驚已經係唔啱」。她在加國亦參與一些當地支持香港民主的活動，去年回港接觸過為香港事務入獄的朋友，形容一直有人為香港默默付出，只是並非所有人都知，「香港人唔好放棄，每個人出少少力就可以改變到。唔好覺得多我一個唔多，多你一個，就係多一個。」


■記者袁楚雙