鄭家富陪親戚 睇大埔承峰

【明報專訊】唔知係咪樓市實在太熱，連議員都忍唔住去睇吓樓。有代理經紀報料，話剛過去嘅周日，立法會議員鄭家富就去咗信置（0083）旗下嘅大埔承峰睇樓，仲好似無透過經紀轉介，直接向信置查詢樓盤資料。

呢個承峰單位面積約由1400至2100方呎，開盤呎價約8600元，入場費都要成千萬元，算得上係豪宅盤。鄭家富接受小琴查詢時表明，叫記者唔好誤會，自己的確有去睇樓，但只係陪親戚睇樓，同埋畀啲意見。

稱樓價太貴 自己無意入市

問到佢有無興趣入市，佢就話家樓價咁貴，暫時無意入市，自己就租住樓先。