工銀進駐中環站試搞自助銀行

【明報專訊】小琴以往要撳錢、入錢或者入票，多數會去銀行分行，近年港鐵站嘅恒生（0011）或者中銀香港（2388）都開咗分行或自助中心，咁就更方便日常理財。

之不過，除咗以上兩行外，小琴得悉好快會喺港鐵中環站見到工銀亞洲標誌進駐，而且仲開喺家港鐵中環站恒生隔離。點解工銀亞洲會揀中環開自助銀行中心做試點？

小琴估計中環名店林立，是不少內地客嘅購物熱點，工銀亞洲母公司工行（1398），市值還是全球上市銀行首位，相信對好多內地同胞也有親切感。至於會否有一般自助服務外，有冇加入新嘅服務，便要等其董事暨副總經理黃遠輝明天公布。