蘇樹輝「開金口」 希望何家大和解

【明報專訊】何家「分燊家」一事搞咗個幾月，到家仲未有定案，小琴噚日就喺北京撞到澳博（0880）老臣子兼行政總裁蘇樹輝，甚少表態嘅蘇生終於講咗句适，希望何家嚟個大和解，咁啱小琴早兩日又聽到朋友話雙方好似達成咗共識，唔通件事真係就快大團員結局？

話說身兼全國政協委員嘅蘇樹輝，噚日喺北京出席政協會議，會後佢話，何生嘅幾房人有接觸，現正盡最大努力，希望喺短期內達成有關澳娛同澳博股權嘅和解協議，他自己跟咗何生咁耐，都非常希望可以短期內解決。「我同何生屋企人每一方都認識，都希望大家根據實際情况，互諒互讓，解決件事。」

自從「分燊家」事件被擺上枱以嚟，蘇生甚少以個人身分評論事件，今次開「金口」，小琴都有啲意外。其實小琴今個禮拜二都聽到大狀朋友話，二、三房同長房及四房傾掂數，好快會簽文件云云，不過暫時未見各路人馬有咩動靜。點都好，希望事件快啲落幕，好等何生安享晚年啦。