國泰退役機 擺上淘寶賣？

【明報專訊】有一批服務多年嘅國泰（0293）747航機，將會喺未來5年內退役。佢哋已經服務咗國泰25年，小琴都好有興趣知道呢批飛機嘅去向。國泰航空企業事務董事莊偉茵噚日係業績記者會後話，呢批二手飛機轉手好值錢，有第三世界國家會買嚟繼續飛行，提供短途嘅本土航班服務，亦有買家鍾意啲商務艙嘅座位，點名要獨立買呢啲座椅。佢仲講笑話，或者未來會見到呢批商務客座椅，輾轉去到「淘寶網」上面賣呢。

唔好以為商務坐位舊咗無人要，莊偉茵講，國泰一直好好保養商務座椅，相信有唔少人有興趣。唔知各位讀者又有無興趣買番張商務座椅，喺屋企享受坐商務客位嘅感覺呢。小琴提提你，阿里巴巴網絡（1688）姊妺公司淘寶網，最近畀美國貿易代表處列為假貨黑點，若果讀者未來真係喺「淘寶網」，見到有國泰商務倉座椅出售，要花工夫證實一吓，避免入咗假貨喇。