經紀食飯難 李小加深表同情

【明報專訊】延長股票交易時段實施咗四日，交投量未見急增。但股票經紀就肯定縮短咗午飯時間，由兩個鐘減到一個半鐘。

加時效果 4日難以評估

噚日有女經紀喺香港證券專業學會午餐會向港交所行政總裁李小加大呻，縮短食飯時間後「好難搵食」，食飯地方排晒長龍。李小加似乎愛莫能助，唯有送句「深表同情」。

至於延長交易時段，對交易量有冇正面效果？李小加話「4 days too long for not having lunch， too short time to really tell。」 （四日沒吃飯，似乎太長了，但要說交易效果，四日又太短了。）不過，小加兄又補一句，希望延長交易時段，日後真的可以增加成交額。