新聞類別
財經
詳情#
【明報專訊】隨着本月初陳曉嘅請辭，國美（0493）之爭總算塵埃落定，新任主席由大中電器創辦人張大中接手，張大中噚日第一次以主席身分出席國美嘅記者會，大家對呢位新任主席都好有興趣，特別係佢同國美大股東黃光裕嘅關係。
眾所周之，國美喺2006年收購大中電器，不過張大中同黃光裕關係仍然友好，甚至外傳去年張大中喺「黃陳之爭」嘅時候貸款畀黃光裕。噚日問到張大中與黃光裕嘅關係時，佢親暱咁稱呼黃光裕做「光裕」，稱：「我和光裕認識很久，彼此有仰慕之情。」令小琴在內的一眾記者們都好嘩然。
唔只咁樣，當講到張大中空降國美做主席時，張就話同國美嘅管理層好熟悉，仲話：「總裁王俊洲以前都是我下屬。」王俊洲就搞笑回應話：「我現在都是你的下屬。」
回應 (0)
