洪錦標對意馬難捨難離

【明報專訊】瑞安房地產（0272）主席羅康瑞襟兄弟洪錦標對意馬（0585）又愛又恨。佢喺2月初減持意馬，持股量由12.5％減至10.99％。不過，近期佢逐步增持意馬，持股量增至11.4％。

2月初曾分批減持

洪錦標2月初分批減持意馬，分別以每股0.357元、0.372元沽出。冇幾耐，2月22日意馬公布收購《喜羊羊》，近日仲話喜羊羊喺內地嘅票房報捷。根據港交所股權披露，洪錦標再次增持3000萬股，呢次買入價每股0.375元，合共斥資1125萬元。洪錦標喺2008年9月入股意馬，仲搵埋羅康瑞注資。意馬兜兜轉轉，由梁伯韜、鍾楚義做咗大股東，仲搵埋喜羊羊入嚟冲喜，洪錦標增持番意馬，算唔算係支持番集團呢？