平保經紀 要背打油詩

【明報專訊】小琴最近識咗個朋友，原來佢係中國平安（2318）嘅銷售人員，平保既出人壽保險，又有林林總總嘅產險，當然希望大家對保險嘅作用同意義十分了解，所以每個員工嘅卡片背面都會有呢段打油詩，等員工和客仔一齊唸到熟一熟。「平時當存錢，分紅錢生錢；生病不花錢，病後免交錢；平時需要錢，保單可拿錢；終身養老錢，愈老愈值錢；投資穩賺錢，受益免稅錢；破產保住錢，愛心最值錢。」

中國有成大嗱嗱十幾億人口，要做好產品宣傳一啲都唔容易，小琴發覺內地嘅銷售人員真係把握分分秒秒嘅機會，推銷產品，至於受唔受落就見仁見智。不過內地嘅文化有時都值得我哋香港人認識一吓，例如佢哋會作呢啲打油詩嚟加深產品印象，又幾盞鬼喎。