新聞類別
財經
詳情#
【明報專訊】英國友誠噚日發布咗一份投資者信心調查結果，原來喺7月嗰時，香港投資者對樓市同股市嘅興趣已經大減，喺所有投資產品當中，最偏愛嘅不嬲都係黃金。
六成人料按息升 睇淡樓市
友誠喺7月尾通過網絡訪問咗1001位香港市民後，發現雖然總體取向指數維持不變，但個別投資取向嘅變動就較為犀利（見圖）。其中，房地產指數由第2季嘅5跌到0，顯示投資者對於樓市採取絕對中立嘅觀望態度。相對地黃金就遠遠高居一線，升到歷史最高位嘅34。小琴搵番7月嗰時嘅金價，大概每一両15000港紙以下，到9月初猛咁升咗20%到每両17840蚊。
而睇淡樓市嘅主要原因，就係大部分人（六成）都覺得未來半年內，利率會稍微或大幅上升。果然，匯豐喺9月中加咗H按同P按息率，中銀（2388）亦都跟埋加。咁樣睇來，香港投資者都幾有先見喎！
回應 (0)
