前中聯辦黃春平又當選

【明報專訊】早前被揭發曾經喺中聯辦工作，今年參選觀塘區議會、報稱獨立而勝出嘅黃春平，雖然當選後有好多風風雨雨，但佢噚日就喺港九各區議會界別嘅選委選舉中，以121票當選，唔知會唔會係第一個前中聯辦官員有票選香港特首嘅人士呢？

喺區議會選舉僅以兩票之微勝出嘅獨立梁偉權，擊敗民協林健文，不過廉署最近喺嗰區拉咗好多懷疑種票者，選舉結果有可能被推翻，梁偉權喺選委會中，以103票嘅成績，最低票當選區議會選委，但只能做10個月，明年立法會選舉後就自動喪失選委資格。


泛民區會選委慘敗

民主派方面，一如所料都係低票落敗，好似公民黨司馬文同民主黨馮煒光，就分別只得34票，新界區方面好少少，民主黨林立志有36票，雖然都係低票落敗，但成績已經好過民建聯侯金林嘅28票，算係咁啦。