連續3日減持中海外 孔慶平套近半億

【明報專訊】港股弱過藥煲，內房股今年尤其慘淡，「蟹貨度」非常高。不過凡事總有例外，中國海外（0688）主席孔慶平上個禮拜連續3日減持公司股份，套現近5000萬銀，唔使輸之餘，仲應該相當和味添！


孔總今個月嘅20、21同22號，連續3日喺場內減持中國海外股份，平均價分別係13.66元、13.76元同埋13.8元，合共減持咗350萬股，套現4811.64萬元。睇番中國海外今年個股價表現，年中最高見過17.76元，8月份內房股開展新一輪大跌浪，最低就喺10月見過10.06蚊，全年平均價就係14.716元。


咁睇嚟，孔總減持個價唔算太靚，稍稍低於全年平均價。不過，話晒孔總手上啲股份，成本便宜一般人一大截，小琴係咁意搵吓資料，就見到孔總有幾批options，行使價由1.13元到4.5元不等，呢個價位走都執唔少啦！