新聞類別
財經
詳情#
【明報專訊】大家都知道蘭桂坊之父盛智文（花名扮嘢文）同永利澳門（1128）主席Steve Wynn好鬼老友，仲做埋永利澳門嘅副主席。小琴同事早前同盛智文做訪問，佢仲爆咗佢同Wynn點相識。
話說25年前，盛智文獲邀去澳洲出席一個朋友嘅婚宴，主人家安排坐喺佢旁邊的，就係Steve Wynn。當時有「扮嘢文」之稱嘅盛智文，應該剛剛開始搞蘭桂坊。兩人一見如故，之後仍有聯絡。去到2000年左右，Wynn知道澳門開放賭牌之後，就醒起香港有扮嘢文呢位老友，於是搵咗佢做「盲公竹」，幫佢去澳門搵地皮。到永利總公司09年將澳門業務分拆喺香港上市時，就順理成章地搵埋盛智文入局。
扮嘢文仲曾經講過，佢對藝術品嘅興趣，係由Wynn啟發。佢同記者講Steve Wynn喺拉斯維加斯嘅大屋，藝術收藏多到數唔晒。講講下仲提起06年一單好經典的事故。
當年一㬹 過億美金交易泡湯
佢話因為Wynn隻眼當時已唔係幾好，得番好少視力，開始出售一收藏品。扮嘢文話有一晚，獲邀去Wynn的辦公室，大家吃過晚飯後，Wynn同大家講，一幅畢加索名畫Le Reve（英文翻譯為The Dream，即是那場夢）已經找到買家，售價高達過億美元，可以榮登當時最貴嘅藝術品。點知Steve Wynn想話畀人聽張話喺邊時，一個手㬹鋤埋去，搞到名畫穿咗個窿，想賣都賣唔成。花費不少修補後，價值也下跌了。
不過，點都好，有個咁「疊水」嘅朋友，扮嘢文都可以話一餐婚宴，無啦啦遇貴人。
email:piano@mingpao.com
話說25年前，盛智文獲邀去澳洲出席一個朋友嘅婚宴，主人家安排坐喺佢旁邊的，就係Steve Wynn。當時有「扮嘢文」之稱嘅盛智文，應該剛剛開始搞蘭桂坊。兩人一見如故，之後仍有聯絡。去到2000年左右，Wynn知道澳門開放賭牌之後，就醒起香港有扮嘢文呢位老友，於是搵咗佢做「盲公竹」，幫佢去澳門搵地皮。到永利總公司09年將澳門業務分拆喺香港上市時，就順理成章地搵埋盛智文入局。
扮嘢文仲曾經講過，佢對藝術品嘅興趣，係由Wynn啟發。佢同記者講Steve Wynn喺拉斯維加斯嘅大屋，藝術收藏多到數唔晒。講講下仲提起06年一單好經典的事故。
當年一㬹 過億美金交易泡湯
佢話因為Wynn隻眼當時已唔係幾好，得番好少視力，開始出售一收藏品。扮嘢文話有一晚，獲邀去Wynn的辦公室，大家吃過晚飯後，Wynn同大家講，一幅畢加索名畫Le Reve（英文翻譯為The Dream，即是那場夢）已經找到買家，售價高達過億美元，可以榮登當時最貴嘅藝術品。點知Steve Wynn想話畀人聽張話喺邊時，一個手㬹鋤埋去，搞到名畫穿咗個窿，想賣都賣唔成。花費不少修補後，價值也下跌了。
不過，點都好，有個咁「疊水」嘅朋友，扮嘢文都可以話一餐婚宴，無啦啦遇貴人。
email:piano@mingpao.com
回應 (0)
