中央喉舌媒體 一窩蜂上A股抽水

【明報專訊】內地「官網」掀起抽水熱潮。咪誤會小琴口中「官網」係普通官方網站咁簡單，小琴係話官嘅網，即係表達官員意見嘅地方，估下邊幾間？


人民網集逾5億

內地第一「官網」，《人民日報》嘅網上喉舌——人民網1月9日已經正式向中國證監會提交招股書，集資5.27億人仔，保薦人為中信證券；而新華社轄下新華網，央視旗下央視網，雖然未能搶到頭彩，但已部署得七七八八，新華網搵到中金承銷，計劃喺上海證券交易所籌集10億人仔。


「官網」大佬之後，仲有北京市政府下屬千龍網，天津市政府下屬北方網，山東省政府主管大衆網等10多間「地方官網」計劃登陸A股，小琴心諗，官網係唔係真係咁有市場？

10多個省市網站齊齊上市

據統計，2008年至2011年上半年，人民網營業收入中，平均約有兩成來自政府購買服務；2010年、2011年免稅優惠分別佔當期稅前利潤嘅26%和30%。人民網在業務上基本不存在競爭，但其子公司人民視訊、人民網（美國）、人民搜等盈利均為負數或零。想來地方官網也不易辦。