新聞類別
財經
詳情#
【明報專訊】小琴上個禮拜先引述鄭裕彤侄孫、新時代能源（0166）執行董事鄭明傑話，龍年要「做」好公司個股價，言猶在耳，隻新時代就好似食咗藥咁，噚日一吓子爆升超過五成。
原來聯交所資料顯示，新世界發展（0017）主席鄭裕彤係於1月26日（上周四，亦即係鄭明傑話要做好股價嘅前一日），喺場外以每股0.63元，增持新時代1700萬股，涉資1071萬元，持股量由9.56%增至13.3%。
彤叔出手 股價即高見0.98元
彤叔一出手，投資者自然「二仔底死跟」，新時代噚日一開市即好似井噴咁衝上去，最高見0.98元，收市報0.86元，都仲有三成幾升幅，成交過千萬股，可見有唔少彤叔粉絲跟進。新時代就循例發咗個聲明，話公司除咗早前公布可能進一步收購阿根廷兩個項目，同時過年前九折批股之外，冇任何嘢要披露喎。
其實彤叔玩能源股都唔係頭一遭，隻蒙古能源（0276）掘咗好多年都未掘到一嚿炭出嚟，彤叔意興闌珊冇再玩。今次隻新時代由佢嘅侄仔鄭錦超及侄孫鄭明傑打骰，聽鄭明傑講阿根廷項目啲進度良好，唔似玩玩吓，希望快啲鑽啲油出嚟畀投資者睇吓啦。
email:piano@mingpao.com
原來聯交所資料顯示，新世界發展（0017）主席鄭裕彤係於1月26日（上周四，亦即係鄭明傑話要做好股價嘅前一日），喺場外以每股0.63元，增持新時代1700萬股，涉資1071萬元，持股量由9.56%增至13.3%。
彤叔出手 股價即高見0.98元
彤叔一出手，投資者自然「二仔底死跟」，新時代噚日一開市即好似井噴咁衝上去，最高見0.98元，收市報0.86元，都仲有三成幾升幅，成交過千萬股，可見有唔少彤叔粉絲跟進。新時代就循例發咗個聲明，話公司除咗早前公布可能進一步收購阿根廷兩個項目，同時過年前九折批股之外，冇任何嘢要披露喎。
其實彤叔玩能源股都唔係頭一遭，隻蒙古能源（0276）掘咗好多年都未掘到一嚿炭出嚟，彤叔意興闌珊冇再玩。今次隻新時代由佢嘅侄仔鄭錦超及侄孫鄭明傑打骰，聽鄭明傑講阿根廷項目啲進度良好，唔似玩玩吓，希望快啲鑽啲油出嚟畀投資者睇吓啦。
email:piano@mingpao.com
回應 (0)
