800蚊飛新加坡 新航今起可預訂

【明報專訊】小琴收到新加坡航空公司嘅公布，推出800蚊機票往來香港新加坡。不過，訂票要趁手，由今日開始至5號都係訂票優惠期。出發日期由2月10日至到29日，每日有朝早，下晝同埋傍晚3班機可以揀。手快有，手慢冇。


優惠價計埋728蚊稅項、燃料及其他附加費，總共都係1528蚊。呢個價錢飛新加坡，真係平。小琴噚晚登錄網站，一探虛實，仲有冇其他平飛賣，例如2月17日去，19日返平極都要3000幾，貴一倍。所以，有心去新加坡旅行的朋友，真要把握機會。


有興趣飛，可以登錄singaporeair.com 。小琴諗，新航優惠無非係向港人推銷下佢嘅國際航線，佢每星期有49班由香港前往新加坡及7班前往三藩市，服務態度同埋餐飲、娛樂都唔錯，睇嚟國泰（0293）都會有壓力。