兩個「長毛」踢走貧窮

【明報專訊】無家者世界盃今個月喺墨西哥開鑼，社區組織協會同埋和富社會企業支持籌組港隊參加。港隊噚日舉行授旗禮，出席嘅勞工及福利局長張建宗大讚呢個活動好有意思，令到無家露宿者摒棄消極，透過足球重建自信尊嚴。主辦單位仲安排隊員與議員同場切磋，「長毛」梁國雄（右）同埋有「社福界長毛」之稱嘅張超雄（中）都落場。


兩個長毛雖然邊踢邊喘氣，但都算有板有眼，話要透過足球踢走貧窮喎。至於球賽比數，Emily就無去考究，反正大家都係打吓友誼波，目的係幫香港隊隊員打氣。


（尹錦恩攝）