梁家永last day節目深情告別

【明報專訊】香港電台招牌晨早節目《千禧年代》主持梁家永榮休，噚日係佢最後一日主持節目，下星期三就正式退休，結束喺港台32年嘅廣播生涯，節目下周起會由葉冠霖接棒。梁家永噚日喺節目最後講咗段3分鐘嘅離別感言，有聽眾打上去講話唔捨得佢。


遺憾社會對立嚴重

梁家永話，回歸前一兩年開始主持《九十年代》，即《千禧年代》前身，多年來經歷唔同形式同埋拍檔，但宗旨始終無變，仍然係以聽眾為主嘅言論節目。佢又話，回歸以來社會劇變，市民怨氣愈來愈大，對立情况日益嚴重，佢感到遺憾之外，亦希望作為傳媒，可將社會狀况呈現喺節目之中，盡力是其是、非其非。


佢又話，從頭到尾都好享受呢份工，仲形容主持《千禧年代》係事業中嘅最大福氣，可以同聽眾交朋友，每朝亦對自己認識社會有更大啟發。Emily喺度祝梁家永退休後生活愉快！