智經出稿突然低調

【明報專訊】智經研究中心噚日發新聞稿，話畀傳媒知，智經已向財政司長辦公室提交《2013年度施政報告》同《2014年度財政預算案》建議書。智經嘅建議都好大路，但智經新主席李國棟醫生就好低調，只喺新聞稿交代件事，連記者會都無開。


喺曾蔭權做特首時，智經有如御用民間智囊，每當智經發布研究及政策建議，時任主席「肥胡」胡定旭都會開記者會。


智經今次建議政府提高60歲長者免稅額，由12萬元增至15萬元甚至18萬元，紓緩長者經濟壓力；又建議政府增設扣稅項目，包括長者醫療保險供款、住宿等各樣開支。至於智經建議「命中率」會否如過往般高，相信大家都心中有數，結果要睇1月《施政報告》。