新聞類別
港聞
詳情#
【明報專訊】一年一度全港最大型嘅遠足籌款活動「樂施會毅行者」上周五開始，至噚日下晝1時52分，最後一支隊伍終於抵達終點元朗大棠度假村，以47小時52完成全程100公里，即係接近兩日，真係少啲毅力鬥志都唔得，該隊伍更喺閉幕禮上由樂施會總裁余志穩手上接過證書。
最後隊伍花逾47小時
今年共有3940個參加者走畢100公里，完成率接近84%，證明香港人唔係咁易放棄；而佢哋今次嘅目標係籌到3000萬。余志穩亦話，無論係第一隊定係最後一隊抵達嘅隊伍，成員都克服所有障礙，佢哋嘅團體同堅毅精神，正正係扶貧工作所需要嘅態度。
今屆賽事多個組別都刷新紀錄，其中前日走完賽事嘅超級毅行者法國隊伍Salomon France，更加以11小時12分鐘奪得冠軍，快過之前嘅解放軍冠軍隊一大截
回應 (0)
