林鄭飯局 請議員食fusion菜

【明報專訊】政務司長林鄭月娥（中）剛喺歐洲公幹返嚟，噚日就喺山頂官邸招呼公共專業聯盟莫乃光（右）同梁繼昌（左）議員食午飯。


梁繼昌話，大家閒談無特定議題，但佢向林太講推動本港產業時，林太就好醒目，話搞產業要土地，同議員推銷新界東北發展。梁繼昌就話，政府要搵人加入諮詢機構，而佢哋識好多專業人士，可以推介畀政府。


講番呢一餐飯，菜式同上次招呼葉劉淑儀嘅家常小菜好唔同，今次係中西合璧，先有中式點心，然後有中式上湯燉火腿，但就唔係用金華火腿，改用西班牙火腿。主菜係意式蜆肉闊條麵，餐桌上仲有大廚自製XO醬，梁繼昌就話味道唔錯。