梁太搞gag﹕有利益輸送

【明報專訊】特首梁振英太太唐青儀，今個月中成立一間非牟利新公司「Food for Good」，想話推動本地回收廚餘，結果惹來非議，話佢想「干政」。梁太一向慎言，但噚晚出席「愛心聖誕大行動2012」揭幕禮時都忍唔住開腔反駁，佢話成立廚餘回收公司，係無人工收，佢仲學足丈夫咁搞gag，話呢單嘢無利益衝突，只有利益輸送，但就係輸送畀全港700萬市民，自己作為一分子亦會受惠。


梁太又話，今次與志同道合朋友傾，希望推動從源頭減廢，得到好多人支持喎，當公司運作上軌道後，自己就會淡出。唐青儀話想積極做有意義嘅事，而現時全港最大嘅社福慈善機構公益金，以前都係由港督夫人成立喇。