李嘉欣肚凸凸想追個女

【明報專訊】李嘉欣被傳懷有蛇B之後，昨日首度露面，她擔任法國珠寶品牌BOUCHERON中環新店剪綵嘉賓。嘉欣的身形明顯圓潤，穿上藍色低胸貼身晚裝，腹部微隆；腳踏4吋高跟鞋的她，出入均有助手攙扶。嘉欣回應懷孕傳聞時，初時語帶保留：「我諗唔係啩！好疑惑！」她其後才否認：「不是大肚，我無孕味。」不過嘉欣明顯改口風，不再斷言「封肚」，言語間還透露隨時不設防想追個女。


李嘉欣早前曾發表「封肚」宣言，她說有兒子Jayden Max一個已足夠。不過，有報道嘉欣月前人工受孕成功，懷有蛇B。嘉欣昨晚亮相時有點肚凸凸，問她是否懷孕？她起初答得模棱兩可兼似是而非：「哈哈哈，我諗應該唔係啩！驚BB小器？未知喎！唔可以講得畀你知住，我家冇所謂，是有啲心大心細。」追問她想有定無？好似好疑惑？嘉欣說：「係呀！見到Jayden大得咁快，好想重溫他細個時的得意嘢；不過他曳時，你殺咗我都不要來多次。不過一切由天注定，順其自然，好難控制。」


唔識人工受孕

嘉欣坦言丈夫許晉亨有點驚：「他有少少驚呀！驚再有BB的話，間屋會細好多好迫；男仔要擺好多車，女仔鍾意粉紅色，他見到都唔開胃。再買間大屋？咁又冇本事。」


有傳她人工受孕，嘉欣堅決否認：「無喎！我第一次聽到呢啲技術，要了解吓先。或者等我年紀再大些，我真係唔得先考慮。」問她現在是否不設防？嘉欣說：「我家OK，毋須答得咁仔細。我係肥咗兩磅，需要減肥，但無孕味，只是衣服的效果。」她表示不是為了準備生BB，而是為了健康。


「我唔係大肚」

至於老爺奶奶有無催促？嘉欣說：「無，他們不知幾投入同Jayden玩，老公都好冷淡，只有我母性大發。老公講過如果要追個女就試下生多個，不過他都鍾意男仔。其實我無所謂，女仔的確幾得意。」記者直接問她是否懷孕，嘉欣肯定地說：「我唔係大肚！」


嘉欣透露Jayden好獨立，不需要她，反而是她要黐着兒子。「他現在識講好多嘢，我和兒子溝通，多過他和老公，老公都有呷醋，話自己似隱形眼鏡『用完即棄』，發泄不滿。」嘉欣目前將三四成時間放在工作，其他時間做慈善。


記者：林蘊兒

■有片睇﹕http://ol.mingpao.com/ent.htm