曾入共青團 徐遠華落選支聯常委

【明報專訊】支聯會噚日召開周年大會，改選新一屆常務委員。工黨李卓人喺無驚喜之下連任主席，首次參選嘅「六四新生代」成員劉家儀亦順利當選，但年少時喺內地曾加入「共青團」嘅民主黨徐遠華，就因為呢個包袱，未能成功躋身常委。


徐遠華係新移民，來港前曾獲學校推薦加入共青團，但佢一家卻對共產黨極度反感。佢到咗香港後順利升讀中大政治與行政學系，輾轉加入民主黨，仲做埋南區區議員。佢話過，唔推翻共產黨，中國就冇得救，過去同佢一齊並肩作戰嘅「白鴿仔」亦完全相信佢嘅反共立場，稱對佢「百分百信任」。不過，可能支聯會呢個高度敏感嘅政治組織，多年來始終恐懼被滲透，故徐遠華最終都係鎩羽而歸。