阿牛燒無罪判決書慰華叔

【明報專訊】民間電台早前上訴得直，獲終審法院裁定已故支聯會主席司徒華、民主黨劉慧卿同李永達、工黨李卓人、人民力量陳偉業同黃毓民等人2008年以嘉賓身分參加民間電台嘅廣播無罪，無觸犯《電訊條例》，獲撤銷控罪兼可以攞番堂費。民間電台台長「阿牛」曾健成（左）噚日同班兄弟去柴灣哥連臣角墳場，帶埋鮮花同終院嘅判決書拜祭華叔，更燒埋判決書畀佢睇，令華叔泉下有知自己無罪。不過華叔係基督徒，教徒冇燒嘢呢個傳統㗎喎。


（郭慶輝攝）