梁﹕Shout at them！

【明報專訊】特首梁振英受僭建醜聞纏身，噚日出席公開活動時懶理記者提問，但去到總商會午宴時，就同在場嘉賓對答大半粒鐘。有台下商界人士，問到香港可以點樣學習新加坡嘅高效施政時，梁振英笑謂，政府推動施政要得到公眾支持，但若果見到有人阻礙政府迅速推出政策，就要「shout at them！」即係要向佢哋大聲呼喝。


被問如何學星洲高效率

梁振英在會上提到「新資本主義」，即係唔單止係賺錢，亦都要照顧社會、人民同環境，強調喺現時嘅環境，商界同政府需要合作，又話家推政策要多啲公民參與，佢話政府同商界閉門開會之後決策嘅日子已經過去，商界領袖應同政府一齊向公眾講解現時發生乜事，大家應該點樣應對機遇同挑戰。


保證唔會搞社會主義

有人問到民粹主義會唔會影響經濟環境同自由市場，梁振英就話，民粹都係香港政治嘅一部分。


佢仲同商界保證，唔會喺香港搞社會主義，因為唔符合《基本法》規定咁話。