新聞類別
港聞
詳情#
【明報專訊】《寒戰》掀起政界一輪寫影評熱潮，就連資深影迷、財政司長曾俊華都趁熱鬧。每逢周日都會寫網誌嘅財爺，通常都係講吓歐債危機幾凶險、香港要點樣積穀防饑，但噚日佢發表嘅網誌〈鐵金剛的匕首〉，就難得地輕鬆。
財爺喺網誌話，入戲院睇戲係佢同太太多年來嘅拍拖指定節目，1980年代佢住佐敦，幾乎每個星期，等小朋友瞓着咗，兩公婆就會去附近戲院咬住甘蔗睇午夜場。
財爺自細追睇Ian Fleming占士邦系列小說，佢話近日雖然忙住為明年預算案做諮詢工作，但仍趁周日空檔同太太睇鐵金剛新片《智破天凶城》嘅早場。
拍拖睇早場 話同主管M感同身受
佢大讚過去擅長拍文藝片嘅導演Sam Mendes，拍特務片都有板有眼，仲加入文藝片元素，令套戲生色不少。財爺特別提到由Judi Dench飾演嘅軍情六處主管M出席調查委員會聆訊一幕，「給我的印象特別深刻。她被議員圍攻的窘境，固然令我感同身受（一笑）」。
佢話，留意到該片係鐵金剛電影中最多米字旗鏡頭嘅一部，反映導演將再次振興國家嘅期望，投射喺占士邦身上；又話電影再無為007設計新法寶，係因為現實上真正解決到問題嘅，「可能還是那把了無新意、平平無奇的匕首」，占士邦就係用呢把短匕首殺死壞蛋Silva。Emily睇完影評有啲擔心，唔知財爺咁講，係咪想預告2月發表嘅預算案，都唔好預佢會有咩新法寶呢？
財爺喺網誌話，入戲院睇戲係佢同太太多年來嘅拍拖指定節目，1980年代佢住佐敦，幾乎每個星期，等小朋友瞓着咗，兩公婆就會去附近戲院咬住甘蔗睇午夜場。
財爺自細追睇Ian Fleming占士邦系列小說，佢話近日雖然忙住為明年預算案做諮詢工作，但仍趁周日空檔同太太睇鐵金剛新片《智破天凶城》嘅早場。
拍拖睇早場 話同主管M感同身受
佢大讚過去擅長拍文藝片嘅導演Sam Mendes，拍特務片都有板有眼，仲加入文藝片元素，令套戲生色不少。財爺特別提到由Judi Dench飾演嘅軍情六處主管M出席調查委員會聆訊一幕，「給我的印象特別深刻。她被議員圍攻的窘境，固然令我感同身受（一笑）」。
佢話，留意到該片係鐵金剛電影中最多米字旗鏡頭嘅一部，反映導演將再次振興國家嘅期望，投射喺占士邦身上；又話電影再無為007設計新法寶，係因為現實上真正解決到問題嘅，「可能還是那把了無新意、平平無奇的匕首」，占士邦就係用呢把短匕首殺死壞蛋Silva。Emily睇完影評有啲擔心，唔知財爺咁講，係咪想預告2月發表嘅預算案，都唔好預佢會有咩新法寶呢？
回應 (0)
