消委一姐﹕兩電要開誠布公

【明報專訊】上個月接手做消委會總幹事嘅黃鳳嫺（Gilly），一坐低就要處理唔少消費議題，最新鮮熱辣嘅梗係加電費，喺中電做過嘅Gilly話，消委會仲討論緊加電費嘅立場，佢講笑咁話﹕「最重要消委會唔會受佢（曾任職中電）背景影響，如果唔係3個月後會被人兜走！」

Gilly又借埋特首嘅口頭禪，話兩電要有透明度「開誠布公」，講清楚加價理據，當然仲要考慮市民承受力啦！

喺旅發局跳槽過嚟嘅Gilly，做過中電、九倉、美國運通、微軟同埋英國電訊，呢啲企業同消委會真係好唔同，點解今次要做完全唔同嘅消委會？佢話自己係天秤座，有正義感，所以想加入消委會喎。


自己係天秤座有正義感

嚟緊消委會要搞3年大計，仲要諗吓搞唔搞facebook，萬一全港市民齊齊喺fb提問，真係唔知夠唔夠人答喇。