明報中大合辦 獎項昨揭盅

【明報專訊】《明報》同中文大學市場學（理學）碩士課程合辦「卓越企業品牌選舉2012」噚晚揭盅，頒獎禮喺萬豪酒店舉行。今年選舉嘅特色，由香港層面延伸到大中華，全場大獎的銀獎同銅獎，分別由新鴻基地產同周大福奪得。至於金獎則喺嚴謹嘅評選機制下，未符合評選團嚴格要求而出缺。


未符評審要求 金獎出缺

頒獎禮請到近日忙於做預算案嘅財政司長曾俊華為主禮嘉賓，令場合生色不少；曾俊華致辭時話，品牌的品字由三個口組成，可見有口皆碑嘅重要，亦係企業競爭優勢所在。


新地奪全場大獎銀獎

其實，喺選出金、銀、銅大獎前，各品牌要過五關斬六將，得主都係唔同行業類別獎項中嘅得獎品牌，包括大家樂，以及Emily同行家飲奶茶嘅翠華茶餐廳等等。Emily喺呢度恭喜所有得獎品牌。


明報同事話Emily知，呢個獎以前叫「香港驕傲企業品牌」選舉，今年正式改名為「卓越企業品牌」選舉，繼續表揚中港傑出企業品牌。