經民聯會展搞成立慶典

【明報專訊】喺立法會手握7票嘅香港經濟民生聯盟（經民聯），早前已經簽約喺金鐘海富中心租辦公室，嚟緊18號又會喺會展舉行成立慶典，可謂聲勢浩大。佢哋近日向政界友好發出邀請函，希望大家一齊出席成立典禮，而張請帖上就有經民聯嘅徽號，徽號主要由藍色同青綠色組成，而藍色嘅彎月形，其實亦同林健鋒、梁君彥上屆搞嘅經濟動力好相似，都係好似有3劃咁。


「金主」林建岳或現身

經民聯大鑼大鼓，成立典禮當然要鋪張，18號傍晚喺會展舉行，佢哋預留嘅會議室，咁啱係上年梁振英宣布參選特首嘅場地，估計經民聯請嘅人都唔少。據了解，經民聯「金主」之一、麗新發展主席林建岳當日亦好大機會現身，到時或者經民聯又會拉晒佢哋嘅地區人士同政界重量級友好「曬冷」。