維園常客組青年評論員協會

【明報專訊】青年民建聯主席周浩鼎係港台《城市論壇》嘅常客，經常喺論壇指點時事，近日佢聯同一班都係「維園之友」嘅後生仔，組成香港青年時事評論員協會，由佢自己做主席。


周浩鼎組班 做主席

睇番協會嘅會董名單，唔少都係維園常客，熱中論政，有啲仲有政黨背景，例如自由黨青年團主席李梓敬、新民黨青委會主席甘文鋒等，城市論壇嘅忠實觀眾相信對佢哋唔會陌生。


協會噚日下晝喺灣仔皇悅酒店舉行成立典禮，邀請咗多名政界人士做嘉賓，包括全國政協委員劉夢熊、行政會議成員張志剛、立法會議員梁家傑同何秀蘭等，佢哋仲專登搵埋城市論壇主持謝志峰