市建局譚小瑩升職行政總監

【明報專訊】政府噚日宣布委任譚小瑩（圖）做市區重建局行政總監，接替出年2月退休嘅羅義坤，任期3年，由出年3月1日起生效。


55歲嘅譚小瑩係註冊規劃師，亦係香港規劃師學會資深會員，2006年加入市建局，現任市建局執行董事（規劃及項目監督）。佢喺早前進行嘅公開招聘獲選，遴選委員會由財政司長曾俊華做主席，成員有市建局主席張震遠、行政會議非官守議員周松崗、發展局長陳茂波同市建局非執董陳家樂。


譚小瑩曾任香港規劃師學會會長、上訴委員團（地產代理條例）主席及香港房屋委員會成員，現任可持續發展委員會委員。發展局讚揚佢喺香港嘅規劃研究方面經驗豐富，期待同佢合作咁話。