黃秋生「袋住先」金句網上洗版

【明報專訊】黃秋生頒「最佳導演」於台上3分鐘的演辭掀整晚高潮，視頻在社交網站洗版，有大讚：「靚抽呀！大飛哥」也有留言：「我要真…係睇你做司儀！」獲秋生謙虛回應「多謝」！

「我要真…做司儀」

前晚秋生的演辭撐香港電影又隱喻政改，講「袋住先」金句 。他說：「今晚真係好猛，係呀又係我，我仲企喺度㗎。香港電影人嘅生命力真係好頑強，我相信香港電影都係，金像獎都係。今日我嚟係頒最佳導演，依照往例被邀請都有個故事，本來係頒男主角，我話好吖，頒畀劉青雲。佢話『佢今年兩個提名窄啲啦』，我話兩個提名梗係威水過一個提名，不如頒畀個無提名嘅好無？」當他說女主角要頒給阿Sa，但對方又說不能話事；秋生說：「自己生意都唔話得事，咁渣㗎！」


最後他提出自己未做過司儀，對方卻指他說話太邊緣、踩界好危險，萬一講錯一兩句連累他們被unfriend就不好了！秋生繼續說：「唔得，我一定要做司儀…我要真…係做司儀！…不如咁吖，有商有量，試下最佳導演，袋住先啦…」

娛樂組